ខេត្តបន្ទាយមានជ័យៈនគរបាលឃាត់ខ្លួនជនសង្ស័យគ្រឿងញៀនសៀម ចិននិងខ្មែរចំនួន២ករណីផ្សេងបានមនុស្សប្រុស ស្រីចំនួន១០នាក់។សមត្ថកិច្ចបន្តថាៈអនុវត្តតាមបទបញ្ជាយ៉ាងមុឺងម៉ាត់របស់ ឯកឧត្ដម នាយឧត្ដមសេនីយ៍ ស ថេត អគ្គស្នងការនគរបាលជាតិ និងអនុវត្តតាមបទបញ្ជារបស់លោកឧត្ដមសេនីយ៍ត្រី សឿម សារិទ្ធ ស្នងការ នៃស្នងការដ្ឋាននគរបាលខេត្តបន្ទាយមានជ័យនៅថ្ងៃទី១០ ខែវិច្ឆិកា ឆ្នាំ២០២៦លោកឧត្ដមសេនីយ៍ត្រី ធិន សុិនដេត ស្នងការរងផែនការងារប្រឆាំងគ្រឿងញៀន បានដឹកនាំកម្លាំងការិយាល័យជំនាញ និងកម្លាំងអធិការដ្ឋាននគរបាលក្រុងប៉ោយប៉ែតបានចុះប្រតិបត្តិការបង្ក្រាបចំនួន២ករណីក្នុងថ្ងៃតែមួយនិងឃាត់ខ្លួនជនសង្ស័យប្រុសស្រីបានចំនួន ១០នាក់ ក្នុងនោះមានជនជាតិថៃចំនួន២នាក់ស្រី១នាក់,ជនជាតិចិនចំនួន៤នាក់ និងជនជាតិខ្មែរចំនួន៤នាក់ស្រី១នាក់ ពាក់ព័ន្ធករណីជួញដូរ និងប្រើប្រាស់គ្រឿងញៀនខុសច្បាប់ ស្ថិតនូវចំណុចភូមិបាលិលេយ្យ២ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។
និងដកហូតបានវត្ថុតាងគ្រឿងញៀនខុសច្បាប់មួយចំនួន និងរថយន្តចំនួន៣គ្រឿងផងដែរ បច្ចុប្បន្នជនសង្ស័យរួមទាំងវត្ថុតាងត្រូវបានកម្លាំងការិយាល័យជំនាញកសាងសំណុំរឿងបញ្ជូនទៅតុលាការដើម្បីផ្តន្ទាទោសតាមផ្លូវច្បាប់៕វណ្ណា
