ភ្នំពេញ៖ យុវជនម្នាក់កំពុងអង្គុយលើម៉ូតូរង់ចាំឌុបសង្សារចេញពីបៀរហ្គាឌិន ស្រាប់តែមានក្រុមជនសង្ស័យ៥នាក់ថ្មើរជើង និងប្រដាប់ដោយកាំបិតមកចាក់ក្នុងបំណងប្លន់យកម៉ូតូ ប៉ុន្តែមិនបានសម្រេច ។

ហេតុការណ៍នេះបានកើតឡើងកាលពីវេលាម៉ោង១និង៣០នាទីរំលងអធ្រាត្រឈានចូលថ្ងៃទី៨ ខែសីហា ឆ្នាំ២០១៥ ស្ថិតតាមបណ្តោយផ្លូវលេខ១០៥ ម្តុំលូទឹកស្អុយ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ ។

សេចក្តីរាយការណ៍បានឲ្យដឹងថា បុរសរងគ្រោះ ឈ្មោះ សុភា អាយុ២៤ឆ្នាំ មុខរបរជាងជួសជុលរថយន្ត ស្នាក់នៅម្តុំចំការដូងខណ្ឌដង្កោ ។ ម៉ូតូរបស់ជនរងគ្រោះម៉ាកឃ្លីក ស៊េរីឆ្នាំ២០១០ ពាក់ស្លាកលេខ ភ្នំពេញ 1AI 4241 ៕