ភ្នំពេញ៖ បុរសម្នាក់បានរងរបួសត្រូវជើងខាងឆ្វេងបន្ទាប់ពីមានកាបាញ់ប្រហា កាលពីវេលា០២ និង៣៥នាទីយប់ ថ្ងៃទី០៨ ខែសីហា ឆ្នាំ២០១៥ នៅចំនុច ផ្លូវរទេះភ្លើង ស្ថិតនៅភូមិបុរី១០០ខ្នង សង្កាត់ទឹកថ្លា ខណ្ឌសែនសុខ ។

សមត្ថកិច្ចបានអោយដឹងថាជនសង្ស័យដែលឃាត់ខ្លួននោះទី១មានឈ្មោះ ឡុង វណ្ណដេត ភេទប្រុស អាយុ៣៦ឆ្នាំ មុខរបរជាមន្ត្រីប៉ូលីស ស្នាក់នៅក្នុងបុរីសាន់វ៉េ សង្កាត់បឹងកក់២ ខណ្ឌទួលគោក(ជាអ្នកបាញ់)ទី២-ឈ្មោះ សួង មនោរម្យ ភេទប្រុស អាយុ៣២ឆ្នាំ មុខរបរជាទាហាន ស្នាក់នៅជាមួយគ្នាបានជិះម៉ូតូ១គ្រឿង ម៉ាក អែប្លែក ស្លាកលេខ នគរបាល១-៥៥៩៨ធ្វើដំណើរក្នុងទិសដៅពីជើងទៅត្បូង ចំណែកជនរងគ្រោះមានឈ្មោះជៀម សុផៃ ភេទប្រុសអាយុ២០ឆ្នាំ មុខរបរកម្មកររោងពុម្ភបានរងរបួសត្រូវគ្រាប់កាំភ្លើង១គ្រាប់ធ្លុះកំភួនជើងខាងឆ្វេងហើយត្រូវបានបញ្ជួនទៅកាន់មន្ទីពេទ្យព្រះកុសុមៈដើម្បីជួយសង្រ្គោះ ។

បើតាមការបញ្ជាក់របស់ជនរងគ្រោះថា មុខពេលកើតហេតុ ក្រុមរបស់ខ្លួនមានគ្នា៧នាក់ (ប្រុស៤ និងស្រី២) ជិះម៉ូ៣គ្រឿងបានចូលរាំលេងកម្សាន្ត ក្នុងក្លឹប Blue Zone តាមផ្លូវ១៩៨៦ ក្នុងសង្កាត់ភ្នំពេញថ្មី ខណ្ឌសែនសុខ លុះបន្ទាប់ពីរាំលេងសប្បាយហើយ ដល់ម៉ោង២៖០០នាទីយប់ ក្រុមខ្លួនក៏បាននាំគ្នាចេញទៅផ្ទះ ដោយធ្វើដំណើរតាមផ្លូវ១៩៨៦ ឆ្ពោះទៅផ្លូវ៥៩៨ លុះមកដល់ត្រង់ផ្លូវរទេះភ្លើង ក៏បានជួបប្រទះជនដៃដល់ បានប៉ះសំដីគ្នាតិចតួចពេលនោះបក្យពួករបស់ខ្លួនម្នាក់ឈ្មោះលី សុផាន់ណូបានយកដុំថ្មគប់ទៅលើកក្រុមជនបង្កទើបធ្វើអោយជនបង្កដែល ជាប៉ូលីសខឹងបានដកកាំភ្លើងខ្លីម៉ាកឡុកបាញ់ប្រហារសំដៅមកលើជនរងគ្រោះ បណ្តាលឲ្យត្រូវធ្លុះកំភួនជើងខាងឆ្វេងតែម្តង ក្រោយពីបានការផ្ទុះអាវុធភ្លាមៗនោះ កំលាំងល្បាតប៉ុស្តិ៍ទឹកថ្លា បានចុះទៅដល់កន្លែងកើតហេតុក៏ឃាត់ខ្លួនជនបង្កភ្លាមៗ មកសួរនាំនៅប៉ុស្តិ៍ទឹកថ្លា ។

បច្ចុប្បន្នជនសង្ស័យទាំង៣នាក់កំពង់ឃាត់ខ្លួននៅអធិការដ្ឋាននគរបាលខណ្ឌសែនសុខដើម្បីចាត់ការតាមនិតិវិធីច្បាប់៕

ដោយ៖ តុង សីហា