ភ្នំពេញ៖ ប្រជាពលរដ្ឋនៅក្នុង និងក្រៅប្រទេសទាំងអស់នាថ្ងៃសៅរ៍ទី២៩ ខែតុលា ឆ្នាំ២០១៦នេះ បានសម្តែងអំណរសាទរយ៉ាងខ្លាំងក្លាក្នុងព្រះរាជពិធីគម្រប់១២ឆ្នាំ នៃការឡើងគ្រងរាជសម្បត្តិ(២៩ តុលា ២០០៤ – ២៩ តុលា ២០១៦)នៃព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ហើយថ្ងៃនេះមន្ត្រីរាជការបានឈប់សម្រាកពេញមួយថ្ងៃផងដែរ។
ប្រជាពលរដ្ឋខ្មែរទាំងអស់ សូមថ្វាយព្រះពរ និងបួងសួងដល់ព្រះបារមីព្រះមហាក្សត្រ និងវត្ថុស័ក្តិសិទ្ធិក្នុងលោកព្រមទាំងព្រះបារមីនៃព្រះវិញ្ញាណក្ខន្ធអតីតព្រះមហាក្សត្រ ព្រះមហាក្សត្រីយានីគ្រប់ព្រះអង្គ ប្រោសប្រទានពរជ័យសិរីមង្គលថ្វាយដល់ព្រះអង្គ និងសូមទ្រង់ប្រកបដោយព្រះបរមសុខគ្រប់ប្រការ និងគង់ប្រថាប់ក្នុងព្រះរាជសម្បត្តិ ប្រកបដោយពលានុភាពខ្លាំងក្លា ព្រះមញ្ញាញាណរៀងវៃ ព្រះសុខភាពល្អបរិបូណ ព្រះជន្មាយុជាងរយព្រះវស្សា ដើម្បីគង់ជាម្លប់ដ៏ត្រជាក់ត្រជុំ ដល់ប្រជារាស្ត្រ គ្រប់រូបកុំបីខានឡើយ៕
ដោយ៖ ប្រាថ្នា
