សមត្ថកិច្ចបានឲ្យដឹងថា មុនពេលកើតហេតុមានម៉ូតូមួយគ្រឿងម៉ាកអ៊ែប្លែត ពណ៌ខ្មៅ ពាក់ស្លាក់លេខតាកែវ 1A-6646 បើកបរដោយឈ្មោះ ឆែម តាកា ភេទ ប្រុសអាយុ៤០ឆ្នាំ មុខរបរកម្មករ មានទីលំនៅស្នាក់នៅផ្ទះជួលភូមិ-សង្កាត់លេខ១ ក្រុងព្រះសីហនុ(មុខរោងចក្រញ៉ូស្តា)តាមបណ្តោយផ្លូវអូត្រេះ ក្នុងទិសដៅពីជើងទៅត្បូង។ បន្ទាប់មកក៏មានម៉ូតូមួយគ្រឿងទៀតម៉ាក ហុងដាឌ្រីម សេ១២៥ ពណ៌ខ្មៅ ពាក់ស្លាកលេខព្រះសីហនុ1B-2201 ពីត្បូងទៅជើង បើកបរដោយឈ្មោះ វ៉ាន់ ឆៃភេទ ប្រុសអាយុ១៥ឆ្នាំ មានមុខរបរកម្មកជាកូនកំព្រាឪពុកម្តាយមានទី លំនៅភូមិ៦ សង្កាត់លេខ៤ ក្រុងព្រះសីហនុ មកដល់ចំណុចកើតហេតុក៏បុកគ្នាពេញទំហឹងបណ្តាលឲ្យម្ចាស់ម៉ូតូម៉ាកAir Blackស្លាប់នៅកន្លែងកើតហេតុ  ចំណែកម្ចាស់ម៉ូតូហុងដារងរបួសធ្ងន់ សង្ឃឹមរស់តិចតួចត្រូវបានបញ្ជូនទៅសង្គ្រោះនៅមន្ទីរពេទ្យបង្អែកចំការចេក។

ក្រោយកើតហេតុម៉ូតូទាំងពីរគ្រឿងត្រូវបានសមត្ថកិច្ចចរាចរណ៍យកទៅរក្សាទុកនៅការិយាល័យចរាចរណ៍ផ្លូវគោកខេត្ត ចំពោះសាកសពត្រូវសមត្ថកិច្ចប្រគល់ជូនប្រពន្ធយកទៅធ្វើបុណ្យតាមប្រពៃណី៕

ដោយ៖ ឆ្លាម សមុទ្រ