ភ្នំពេញ៖ បុរសម្នាក់បានស្លាប់នៅនិងកន្លែងកើតហេតុ និង២នាក់ទៀតបានរងរបួសធ្ងន់ ដោយសាររថយន្តឡិចស៊ីសRx330 បានបើកបុកម៉ូតូហុងដាc125ពេញទំហឹង កាលពីវេលា ម៉ោង១០និង៥០នាទីយប់ថ្ងៃទី១៧ ខែធ្នូឆ្នាំ២០១៦ នៅចំណុចផ្លូវ២៧១ កែង៤៨០ម្តុំមុខវត្តសន្សំកុសល ក្នុងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។

បើតាមប្រភពពត៌មានពីកន្លែងកើតហេតុ បានឲ្យដឹងថាមុនពេលកើតហេតុគេឃើញយុវជន៣នាក់ ជិះម៉ូតូ១គ្រឿងម៉ាកហុងដាសេ១២៥ ពណ៌ខ្មៅ ពាក់ស្លាកលេខភ្នំពេញ1FW-5451 ជិះឌុបគ្នាតាមបណ្តោយផ្លូវ២៧១ក្នុងទិសដៅពីជើងទៅត្បូងខណះមកដល់កែងផ្លូវលេខ៤៨០ ស្រាប់តែមានរថយន្តLexusrx RX330 ពណ៌ស្ករ ពាក់ស្លាកលេខ1P-2159 រួចក៏បុកពេញទំហឹងបណ្តាលឲ្យម៉ូតូជនរងគ្រោះ៣នាក់ដួលបណ្ដោលឲ្យយុវជនម្នាក់បានស្លាប់នៅនិងកន្លែងកើតហេតុនិង២នាក់ទៀតរួចផុតពីគ្រោះថ្នាក់រងរបួសធ្ងន់ត្រូវរថយន្តសង្គ្រោះដឹកយកទៅសង្គ្រោះនៅគ្លីនិកឯកជន ។ ចំណែកអ្នកបើករថយន្តបង្កហេតុបានបើកទ្វាររថយន្តរត់គេចខ្លួនបាត់សម្រោលតែម្តង ទុកតែរថយន្តនៅនិងកន្លែងកើតហេតុ ។

ក្រោយកើតហេតុសមត្ថកិច្ចជំនាញបានចុះមកដល់កន្លែងកើតហេតុហើយបានទំនាក់ទំនងទៅក្រុមគ្រួសាររបស់ជនរងគ្រោះដែលបានស្លាប់អោយមកយកទៅធ្វើបុណ្យផងដែល ។ក្រោយកើតហេតុសមត្ថកិច្ចនគរបាលខណ្ឌចំការមនបានប្រគល់រថយន្តបង្កហេតុនឹងម៉ូតូទៅអោយការិយាល័យនគរបាលចរាចរណ៍ផ្លូវគោកវាស់វែងយករក្សាទុកជាបណ្តោះអាសន្នដោយរង់ចាំដោះស្រាយពេលក្រោយ ៕ រស្មី