ខេត្តព្រះសីហនុ ៖ ថ្ងៃនេះខ្ញុំ និងភរិយាមានសេចក្តីសោមនស្សរីករាយខ្លាំងណាស់ ដែលបានមកចូលរួមនៅក្នុងពិធីបុណ្យសមុទ្រលើកទី៥ នៅខេត្តព្រះសីហនុ។
ខេត្តព្រះសីហនុ គឺជាទីក្រុងបៃតង ដែលមានឆ្នេរស្អាត ទឹកសមុទ្រខៀវស្រងាត់ ដែលយើងហៅថា តារារះនាភាគនិរតី ដែលបានជាប់ជាសមាជិកក្លឹបឆ្នេរស្អាតពិភពលោក។ យើងត្រូវតែចូលរួមថែរក្សាព្រៃធម្មជាតិ និងព្រៃកោងកាងនៅតាមតំបន់ឆ្នេរអោយបានល្អ និងចូលរួមថែរក្សាបរិស្ថានអោយបានស្អាតល្អ។ ទន្ទឹមនឹងនេះដែរ គឺយើងត្រូវកសាងហេដ្ឋារចនាសម្ព័ន្ឋឆ្លងកាត់តំបន់ឆ្នេរអោយបានច្រើនថែមទៀតដើម្បីសម្រួលដល់ការធ្វើដំណើរទាក់ទាញទេសចរណ៍។ យើងសង្ឃឹមថា ឆ្នេរសមុទ្រយើងនឹងបន្តជាប់ឈ្មោះនៅក្នុងក្លឹបអន្តរជាតិជារៀងរហូត។

សូមបងប្អូនប្រជាពលរដ្ឋ និងអាជ្ញាធរចូលរួមថែរក្សាសុវត្ថិភាពទេសចរណ៍ និងទប់ស្កាត់គ្រឿងញៀនអោយបាន។ ទន្នទឹមនឹងនេះ គឺសូមចូលរួមថែរក្សាសន្តិភាពអោយបានគង់វង្សល្អ ដើម្បីប្រទេសជាតិយើងកាន់តែរីកចម្រើន។

ខ្ញុំនិងភរិយាសូមជូនពរបងប្អូនជនរួមជាតិបានសប្បាយរីករាយនៅក្នុងពិធីបុណ្យសមុទ្រ និងជួបប្រទះតែសេចក្តីសុខ និងសំណាងល្អនៅក្នុងឆ្នាំថ្មី ២០១៧ នេះ!