គ្រូបង្វឹកសញ្ជាតិអាល្លឺម៉ង់ Jurgen Klopp បាននិយាយថាគាត់មានសំណាងបំផុតដែលបានមកដឹកនាំក្រុមហង្សក្រហម Liverpool ហើយថាក្លិបនេះធ្វើឲ្យក្តីសុបិនដឹកនាំនៅជ អង់គ្លេស Premier League របស់គាត់ក្លាយ ទៅជាការពិត ។

លោក Jurgen Kloppទទួលបានកេរ្តិ៍ឈ្មោះខ្លាំងបំផុតនៅតំបន់អឺរ៉ុបក្រោយដឹកនាំក្រុម Borussia Dortmund រយៈពេល៧ឆ្នាំដោយជួយក្រុមនេះឈ្នះជើងឯកអាល្លឺម៉ង់Bundesliga ចំនួន២ដងមុនពេលចាក ចេញមកជំនួសតំណែងរបស់លោក Brendan Rodgers នៅក្នុងទឹកដី Anfieldរបស់ ហង្សក្រហម ។

គ្រូបង្វឹកវ័យ៤៩ឆ្នាំនេះបាននិយាយប្រាប់ Sky Sports “ខ្ញុំតែងតែប្រាថ្នាមកដឹកនាំក្រុម Premier League។ ខ្ញុំមានសំណាងមកកាន់ ក្លិប Liverpool ហើយនេះគឺជាក្លិបដ៏ល្អឥតខ្ចោះសម្រាប់ខ្ញុំ។ តាមការពិតក្លិបនេះល្អខ្លាំងទៅហើយតែនៅតែមានចំណុចមួយចំនួនដែលយើងត្រូវកែប្រែ ហើយយើងបានខិតខំធ្វើការទាំងអស់គ្នាដើម្បីទទួលបានជោគជ័យជាច្រើនទៀត។”

លោក Jurgen Klopp បានថ្លែងបន្ថែម ទៀតថា “ខ្ញុំពេញចិត្តនឹងការប្រកួតប្រជែងនៅអង់គ្លេសណាស់ដោយមានក្លិប៦អាចគ្រងជើងឯកនៅទីនេះ។ នៅអេស្ប៉ាញ មានតែក្លិបបីទេ ខណៈនៅអាល្លឺម៉ង់មាន តែ២ប៉ុណ្ណោះ ហើយនៅបារាំងវិញក៏មិនសូវមានក្លិបច្រើនដែលអាចឈ្នះជើងឯកក្នុងក្របខ័ណ្ឌរបស់ពួកគេដែរ៕”

ដោយ៖ ដេវីត