ខេត្តស្វាយរៀង ៖ ក្មេងស្រីម្នាក់បានរអិលជើងដួលចូលស្រះទឹកលង់ស្លាប់ ខណៈម្ដាយប្រើអោយទៅលាងចាន ។ ហេតុការណ៍នេះបានកើតឡើងកាលពីវេលាម៉ោង៩នាទីព្រឹក ថ្ងៃទី២៥ ខែធ្នូ ឆ្នាំ២០១៦ ស្ថិតក្នុងភូមិរោងបន្លែ សង្កាត់ស្វាយរៀង ក្រុង-ខេត្តស្វាយរៀង ។
នគរបាលក្រុងស្វាយរៀងបានអោយដឹងថា ក្មេងស្រីលង់ទឹកឈ្មោះ យុន សុភា អាយុ៦ឆ្នាំ ជា សិស្សសាលា មានឪពុកឈ្មោះ យុន សុភណ្ឌ័ អាយុ២៣ឆ្នាំ មុខរបរលក់ត្រី ។ មានទីលំនៅ ភូមិរោងបន្លែសង្កាត់ស្វាយរៀងក្រុងស្វាយរៀង ។
ឪពុកបានរៀបរាប់ដំណើររឿងទាំងទឹកភ្នែកឲ្យដឹងថា មុនកើតហេតុគាត់ចេញទៅលក់ត្រីនៅ ផ្សារដូចសព្វដង ដោយកូនស្រីជាអ្នកប្រមូលចានឆ្នាំងយកទៅលាងនៅស្រះខាងក្រោយផ្ទះ ចម្ងាយប្រមាណ២០ម៉ែត្រ ស្រាប់តែមានអ្នកស្រុកបានទូរសព្ទ័ប្រាប់ថាកូនលង់ទឹកស្រះ ទើប គាត់ប្រញាប់ប្រញាល់មកភ្លាម ។ ប៉ុន្តែអ្វីៗយឺតពេលហួសអស់ទៅហើយ។
ក្រោយកើតហេតុ សមត្ថកិច្ចជំនាញបានមកពិនិត្យរួចប្រគល់សពទៅអោយក្រុមគ្រួសារយកធ្វើបុណ្យតាមប្រពៃណីទាំងក្ដុកក្ដួលបំផុត ៕ យឹម សុថាន
