ខេត្តកណ្តាល:មុខសញ្ញាជួញដូរថ្នាំញៀន៥នាក់ត្រូវបានចាប់ខ្លួនដោយឡែកនារីម្នាក់ដែលចាប់ខ្លួនក្នុងរង្វង់ប្រតិបត្តិការនៃការបង្ក្រាបក្រុមជួញដូរគ្រឿងញៀននេះមិនមានពាក់ព័ន្ធជាមួយជនសង្ស័យទាំង៥នាក់នោះទេ នេះបើយោងតាមការបញ្ជាក់របស់លោកឧត្តសេនីយ៍ត្រីឈឿន សុចិត្ត ស្នងការរងនគរបាលខេត្តកណ្តាលទទួលការងារបង្ក្រាបគ្រឿងញៀននិងបទល្មើសសេដ្ឋកិច្ច ។
ប្រតិបត្តិការបង្ក្រាបមុខសញ្ញាចែកចាយគ្រឿងញៀននេះបានធ្វើ ឡើងនៅរសៀលថ្ងៃទី២៦ ខែធ្នូ ឆ្នាំ ២០១៦ ចំនុចផ្ទះមួយកន្លែង ស្ថិត ក្នុងភូមិឃ្លាំងស្បែក ឃុំកំពង់ ហ្លួង ស្រុកពញាឮ ខេត្តកណ្តាល ។ ឃាត់ខ្លួនជនសង្ស័យចំនួន៦នាក់ ដោយឡែកនារីម្នាក់មិនមានជាប់ ពាក់ព័ន្ធជាមួយក្រុមជនសង្ស័យជួញដូរថ្នាំញៀនឡើយ ដកហូតបានថ្នាំញៀន១៧កញ្ចប់ ក្នុងនោះ កញ្ចប់ធំ១ , កញ្ចប់មធ្យម៤ និងកញ្ចប់តូចចំនួន១១កញ្ចប់ . ជញ្ជីងថ្លឹង១ ,ដាវសាំម៉ូរ៉ៃដែលជាអាវុធអត់គ្រាប់តែអាប្រហារគូជម្លោះបានចនួន១ដើម និងសម្ភារៈសម្រាក់វិចខ្ចប់មួយចំនួនទៀត ។
ជនសង្ស័យទាំង៥នាក់មាន ,
១-ឈ្មោះ ម៉ាន.គ្រីយើុ ភេទប្រុស អាយុ១៧ឆ្នាំ មុខរបរមិនពិតប្រាកដ ហើយគឺជាមុខសញ្ញាសកម្មជួញ ដូរសកម្មក្នុងមូលដ្ឋាន ,២-ឈ្មោះ សេង.រ៉ូហា្វត ភេទប្រុស អាយុ២០ឆ្នាំ មុនរបរមិពិតប្រាកដ
៣-ឈ្មោះ ម៉ាន.ផល្លា ភេទប្រុស អាយុ២២ឆ្នាំ , ៤-ឈ្មោះ ម៉ាន.ហាំសះ ភេទប្រុស អាយុ២៧ឆ្នាំ មុខ របរបើកឡាន ,៥-ឈ្មោះ លី. ហ្វីម៉ាន ភេទប្រុស អាយុ២១ឆ្នាំ មុខរបរកម្មកររោងចក្រ ។ ជនសង្ស័យទាំង៥នាក់មានទីលំនៅក្នុងភូមិឃ្លាំងស្បែក ឃុំកំពង់ហ្លួង ស្រុពញាឮ ខេត្តកណ្តាល ចំណែកនារីម្នាក់ទៀតដែលឃាត់ខ្លួនក្នុងរង្វង់ប្រតិបត្តិការមានឈ្មោះ ស៊ុន.សុភា អាយុ២៣ឆ្នាំមានទីលំនៅភូមិព្រែកល្វា ឃុំពញាឮ ខេត្តកណ្តាល មិនពាក់ព័ន្ធជាមួយក្រុមជនសង្ស័យដែលជាមុខសញ្ញាចែកចាយថ្នាំញៀននោះឡើយ ។
លោកឧត្តមសេនីយ៍ត្រីឈឿន សុចិត្ត ស្នងការរងនគរបាលខេត្តកណ្តាលដែលដឹកនាំកម្លាំងចុះបង្ក្រាបបានអោយដឹងថា បន្ទាប់ពីទទួលបានពត៍មានពីប្រជាពលរដ្ឋនិងមានការណែនាំពីលោកឧត្កសេនីយ៍ទោអ៊ាវ ចំរើន ស្នងការនគរបាលខេត្ត កម្លាំងជំនាញខេត្តបានចុះសហការជាមួយកម្លាំនគរបាលស្រុកធ្វើការតាមដានស្រាវជ្រាវមុខដល់ទីតាំងមុខសញ្ញាដែលក្រុមជនសង្ស័យប្រមូលផ្តុំគ្នាវិចខ្ចប់គ្រឿងញៀនដើម្បីចែកចាយ ។ ពេលក្តាប់មុខសញ្ញាបានច្បាស់សមត្ថកិច្ចក៍បានបើកប្រតិបត្តិការព័ទ្ធទីតាំងរបស់ក្រុមជនសង្ស័យឃាត់ខ្លួនមនុស្សចំនួន៦នាក់ ដកហូតបានថ្នាំញៀនចំនួន១៧កញ្ចប់មានតូច មានធំ ។ នារីម្នាក់ដែលសមត្ថកិច្ចឃាត់ខ្លួនដែរនោះមិនមានជាប់ពាក់ព័ន្ធជាមួយក្រុមមុខសញ្ញាជួញដូរថ្នាំញៀនទាំង៥នាក់នោះទេ….តែស្ថិតក្នុងរង្វង់ប្រតិបត្តិការត្រូវតែឃាត់យកមកធ្វើការសាកសួរទាំងអស់..ក្រោយមកទើបដឹងថានារីម្នាក់នេះមកទទួលយកកាដូរពីសង្សារបស់នាងដែលជាប់ពាក់ព័ន្ធជាមួយក្រុមជនជួញដូរថ្នាំញៀន ។ ជាមួយគ្នានេះដែរសូមបងប្អូនប្រជាពលរដ្ឋមេត្តាចូលរួមផ្តល់ពត៍មានដល់សមត្ថកិច្ចនូវទីតាំងដែលសង្ស័យថាមានការជួញដូរនិងប្រើប្រាស់ថ្នាំញៀន ដើម្បីជាពន្លឺដល់សមត្ថកិច្ចក្នុងការចុះបង្ក្រាប…រាល់ពត៍មានដែលបងប្អូនរាយការណ៍គឺមានន័យថា បងប្អូនបានចូលរួមជាមួយសមត្ថកិច្ចដើម្បីរួមគ្នាអនុវត្តគោលនយោបាយ” ភូមិ-ឃុំ មានសុវត្ថិភាព ” អោយមានប្រសិទ្ធភាព..និងសូមសន្យាថារាល់ពត៍មានទាំងអស់ពាក់ព័ន្ធជាមួយក្រុមជួញដូរថ្នាំញៀន , និងមុខសញ្ញាពាក់ព័ន្ធបទល្មើសផ្សេងសមត្ថកិច្ចរក្សាការសំងាត់ជូន…។
ក្រោយចាប់ខ្លួនជនសង្ស័យទាំង៥នាក់រួមជាមួយវត្ថុតាងត្រូវបញ្ជូនទៅកាន់ស្នងការដ្ឋាននគរបាលខេត្តកណ្តាលដើម្បីចាត់ការតាមផ្លូវច្បាប់ ៕
សណ្តោស