ភ្នំពេញ៖ រឿងស្នេហាត្រីកោណដែលមានតួអង្គប្រុស២ស្រី១បានបង្កជាជម្លោះបែកផ្សែងពេញផ្ទះសំណាក់បង្កឲ្យមានការភ្ញាក់ផ្អើលដល់សមត្ថកិច្ចទៅឃាត់ទាំង៣នាក់មកប៉ុស្តិ៍សាកសួរ កាលពីវេលាម៉ោង២និង៣០នាទីរសៀលថ្ងៃទី២៨ ខែធ្នូឆ្នាំ២០១៦ នៅចំណុចផ្ទះសំណាក់គីមចោមចៅ ក្នុងបូរីប៊ុនហួ សង្កាត់ចោមចៅ ខណ្ឌពោធិ៍សែនជ័យ។
បុរសជាសង្សាទី១ឈ្មោះ សុវណ្ណ ពិសិទ្ធ អាយុ២៩ ឆ្នាំ មុខរបរបរបើកបើករថយន្ត ស្នាក់នៅផ្លូវ២០០៤ មានស្រុកកំណើតនៅសង្កាត់ផ្សារដេប៉ូ២ ខណ្ឌទួលគោក ។ ចំណែកនារីវ័យក្មេងសាច់សខ្ចីឈ្មោះ ផោន ចិន្តា ហៅអាទូច អាយុ២៤ឆ្នាំ ដោយឡែកបុរសជាសង្សាទី៣ឈ្មោះរស់ ពិសិទ្ធអាយុ២៧ឆ្នាំ មានស្រុកកំណើតនៅខេត្តមណ្ឌលគីរី ។
តាមការរៀបរាប់ពីបុរសសង្សារទី១បានឲ្យដឹងថា រួបគាត់និងនារីជាសង្សារបានស្គាល់គ្នាអស់រយៈពេល៨ឆ្នាំមកហើយដោយមានទាំងឪពុកម្តាយទាំងសងខាងក៏បានដឹងដែរតែមិនទាន់បានភ្ជាក់ពាក្យនិងគ្នាប៉ុណ្ណោះហើយបានរស់នៅជាមួយគ្នានៅផ្លូវ២០០៤ ។ រហូតអំឡុង៣ខែក្រោយនារីជាសង្សាក៏បានបែកចិត្តហើយបានចេញពីបន្ទប់ជួលបាត់ដំណឹងសូន្យឈឹង។
បុរសខាងលើបានបន្តថា លុះរហូតមកដល់ថ្ងៃទី២៧ ខែធ្នូទើបដឹងដំណឹងថា នារីជាសង្ស័យបានមកដេកនៅផ្ទះសំណាក់ក្នុងបូរីប៊ុនហ៊ួស្ថិតក្នុងសង្កាត់ចោមចៅ ខណ្ឌពោធិ៍សែនជ័យជាមួយប្រុសស្នេហ៍ទី២ទើបគាត់មកចាំឃ្លាំមើល។ ខណៈដល់វេលាកើតហេតុទើបសម្រេចចិិត្តចូលទៅសួរនាំម្ចាស់ផ្ទះនិងឡើងទៅហៅនាងដល់បន្ទប់តែម្តង។
ដោយឡែកភាគីខាងនារីវិញបានឲ្យដឹងថា រួបនាងបានស្នាក់នៅបន្ទប់ជួលជាមួយបុរសឈ្មោះសុវណ្ណពិសិទ្ធ អស់រយះពេល៤ឆ្នាំមកហើយតែដោយសារខឹងនឹងបុរសនេះមិនសូវយកចិត្តទុកដាក់នឹងនាងទើបនាងបែកចិត្តហើយបានទៅលេងនៅខេត្តមណ្ឌលគីរីជួបបុរសទី២ឈ្មោះរស់ ពិសិទ្ធ ហើយបានស្រាលាញ់គ្នារយះពេល៣ខែមកហើយ។ លុះនៅថ្ងៃទី២៧ខែធ្នូឆ្នាំដដៃលបុរសឈ្មោះរស់ ពិសិទ្ធបានឡើងមកភ្នំពេញទើបរួបនាងនិងបុរសជាសង្សារទី២នេះមកស្នាក់នៅផ្ទះសំណាក់ខាងលើ។ តែមិននឹងស្មានថាបែរជាបុរសជាសង្សារទី១មកចាប់បង្ខំសុំនាងត្រូវគ្នាវិញតែនាងមិនព្រមទើបបង្កការភ្ញាក់ផ្អើលដល់សមត្ថកិច្ចបែបនេះ។
ក្រោយពេលកើតហេតុសមត្ថកិច្ចបាននាំអ្នកទាំង៣មកកាន់ប៉ុស្តិ៍នគរបាលរដ្ឋបាលចោមចៅធ្វើការសម្របសម្រួលគ្នា ហើយដោយមានការពន្យល់ពីមន្ត្រីនគរបាលទើបបុរសទាំង២នាក់បានសុំពេល២នាក់ចរចាគ្នា។ នៅទីបំផុតភាគីខាងបុរសជាសង្សារទី១បានយល់ព្រមប្រគល់នារីនោះឲ្យបុរសទី៣ដើម្បីមើលថែរនិងចេញទៅផ្ទះរៀងៗខ្លួនបាត់ទៅ ៕
ដោយ៖ សុខាសែនជ័យ
