ភ្នំពេញ៖ បុរសម្នាក់បើករថយន្តវីស្តូមួយគ្រឿងជ្រុលបុកគូថរថយន្តRang Roverពីក្រោយបណ្តាលឲ្យបែកកង់ខាងឆ្វេងចំណែករថយន្តបង្កធ្លាក់កាង និងបង្កការកកស្ទុះចរាចរណ៍ផងដែរ កាលពីវេលាម៉ោង១២និង៣០នាទីថ្ងៃត្រង់ទី៤ ខែមករា ឆ្នាំ២០១៧ នៅចំណុចមុខផ្សារឯករាជ្យ១ តាមបណ្តោយផ្លូវវេងស្រេង ភូមិត្រពាំងថ្លឹង សង្កាត់ចោមចៅ ខណ្ឌោធិ៍សែនជ័យ។

តាមសាក្សីនៅកន្លែងកើតហេតុបានឲ្យដឹងថា នៅមុនពេលកើតហេតុគេបានឃើញរថយន្តម៉ាកRang Rover ពណ៌ខ្មៅ ពាក់ស្លាកលេខភ្នំពេញ2AE-0553 បើកបរដោយបុរសម្នាក់ធ្វើដំណើរតាមបណ្តោយផ្លូវវេងស្រេង ក្នុងទិសដៅពីលិចទៅកើតខណៈមកដល់ចំណុចកើតហេតុស្រាប់តែមានរថយន្តមួយគ្រឿងទៀតម៉ាកវីស្តូ ពណ៌ស ពាក់ស្លាកលេខភ្នំពេញ2P-9274 បើកបរដោយបុរសម្នាក់ធ្វើដំណើរស្របទិសគ្នាហើយបានបុកពីក្រោយបណ្តាលឲ្យរថយន្តRang Roverបែកកង់ខាងឆ្វេង ចំណែករថយន្តបង្កធ្លាក់កាងមុខរងការខូចខាតនិងធ្វើឲ្យមានការកកស្ទុះចរាចរណ៍ផងដែរ។

ក្រោយពលកើតហេតុសមត្ថកិច្ចបានចុះទៅដល់ចំណុចកើតហេតុនិងសម្របម្រួលដោយភាគីខាងរថយន្តបង្កព្រមទទួលខុសចេញថ្លៃជួសជុលទៅលើរថយន្តRang Roverដើម្បីបញ្ចប់រឿង៕

ដោយ៖ សុខាសែនជ័យ