ខេត្តរតនគិរី៖ ជនសង្ស័យ២នាក់ត្រូវនគរបាលប៉ុស្តិ៍ឡាបានសៀកសហការជាមួយនគរបាលក្រុងបានលុងចុះបង្ក្រាបករណីជួញដូរនិងប្រើប្រាស់នូវសារធាតុញៀន កាលពីវេលាម៉ោង៥និង៣០នាទីល្ងាចថ្ងៃទី១៣ ខែមករា ឆ្នាំ២០១៧ នៅចំណុចភូមិថ្មី សង្កាត់ឡាបានសៀក ក្រុងបានលុង ខេត្តរតនគិរី។
នគរបាលក្រុងបានលុងបានឲ្យដឹងថា ជនសង្ស័យទី១- ឈ្មោះ ព្រឹម សារ៉ាត់ ភេទប្រុស អាយុ៣១ឆ្នាំជនជាតិខ្មែរ មុខរបរជាងម៉ូតូ មានទីលំនៅបច្ចុប្បន្នភូមិ ថ្មី សង្កាត់ឡាបានសៀក ក្រុងបានលុង ខេត្តរតនគិរី ទី២- ឈ្មោះ ហ៊ីម បញ្ញា ភេទប្រុស អាយុ ២៣ឆ្នាំ ជនជាតិខ្មែរ មុខរបរបើកបររថយន្ដ មានទីលំនៅបច្ចុប្បន្ន ភូមិ៧មករា សង្កាត់ឡាបានសៀក ក្រុងបានលុង ខេត្តរតនគិរី ។ វត្ថុតាងដកហូត ម្សៅក្រាមពណ៌សថ្លា សង្ស័យជាសារធាតុញៀន១ថង់តូច។
បច្ចុប្បន្នជនសង្ស័យកំពុងឃាត់ខ្លូននៅអធិការក្រុងបានលុងដើម្បីកសាងសំណុំរឿងបញ្ជូនទៅសាលាដំបូងខេត្តចាត់ការបន្តតាមនីតិវិធីច្បាប់ ៕ វុទ្ធឦសាន
