នៅក្នុងការប្រកួតដណ្តើមពានរង្វាន់ អេស្ប៉ាញ Copa Del Rey គឺក្រុមភ្ញៀវ Celta De Vigo បានយកឈ្នះលើក្រុមស្តេច ស Real Madrid ដែលជាម្ចាស់ផ្ទះក្នុងលទ្ធ ផល ២-១ យ៉ាងភ្ញាក់ផ្អើលសម្រាប់ការ ប្រកួតជើងទីមួយនៃក្របខ័ណ្ឌមួយនេះ ។

ការប្រកួតដែលធ្វើឡេីងនៅក្នុងទឹកដី Santiago Bernabeu របស់ក្រុម Real Madrid នៅក្នុងតង់ទី១ក្រុមទាំង២មិនអាចស៊ុតបាល់បញ្ចូលទីគ្នាបានទេ គឺលទ្ធផល Real Madrid 0-0 Celta De Vigo ។

ចូលដល់តង់ទី២ក្រុមភ្ញៀវ Celta De Vigo បានបង្កើតភាពភ្ញាក់ផ្អើល គឺបានរកគ្រាប់បាល់នាំមុខមុនដោយកីឡាករ Iago Aspas នៅនាទីទី៦៤ ។ ប៉ុន្តែក្រោយមកបានតែ៥នាទីទៀតប៉ុណ្ណោះក្រុមម្ចាស់ផ្ទះ Real Madrid ក៏បានស៊ុតបាល់បញ្ចូលទីតាមស្មើ វិញ ដោយកីឡាករ Marcelo ។ ចូលដល់ នាទីទី៧០ Celta De Vigo ក៏បានបន្ថែមមួយគ្រាប់ទៀតដោយយកីឡាករ Johny ដែលគ្រាប់បាល់នេះរក្សារហូតចប់ការប្រកួតធ្វើឲ្យក្រុម Real Madrid បរាជ័យក្រោមថ្វី ជើងក្រុមភ្ញៀវ Celta De Vigo សម្រាប់ជើង ទី១ក្នុងលទ្ធផល ២-១ ។

គួរបញ្ជាក់ថា សម្រាប់ពានរង្វាន់ អេស្ប៉ាញ Copa Del Rey ក្រុមដែលត្រូវប្រកួតគ្នាគឺមាន២ជើងគឺប្រកួតក្នុងទឹកដី ខ្លួនឯង និងក្នុងទឹកដីក្រុមភ្ញៀវ ហើយក្រុមដែលឈ្នះគឺក្រុមដែលរកគ្រាប់បាល់បានច្រើនជាងគូប្រកួតទាំង២ជើង ។ សម្រាប់ ក្រុម Real Madrid នឹងត្រូវត្រឡប់ទៅទឹកដី Celta De Vigo វិញនៅថៃ្ងទី២៦ ខែមករាខាងមុខនេះនៅក្នុងការប្រកួតជើងទី២ ៕ ដេវីត