ភ្នំពេញ៖ កម្លាំងនគរបាលប៉ុស្តិ៍ចោមចៅធ្វើការឃាត់ខ្លួនជនសង្ស័យ២នាក់ប្តីប្រពន្ធដកហូតថ្នាំញៀន៧កញ្ចប់តូច កាលពីវេលាម៉ោង២និង៣០នាទីរសៀលថ្ងៃទី២០ ខែមករា ឆ្នាំ២០១៧ នៅចំណុចបន្ទប់ជួលមួយកន្លែង ភូមិព្រៃព្រីខាងជើង សង្កាត់ចោមចៅ ខណ្ឌពោធិ៍សែនជ័យ។

ជនសង្ស័យទី១ឈ្មោះព្រុំ សីថន ភេទស្រី អាយុ២៤ឆ្នាំ មុខរបមិនពិតប្រដក ទី២ឈ្មោះវ៉េង បញ្ញា ភេទប្រុស អាយុ៣២ឆ្នាំ មុខរបរមិនពិតប្រដក អ្នកទាំង២ស្នាក់នៅកន្លែងកើតហេតុខាងលើ។

តាមការរៀបរាប់ពីលោកតេង កុសល មេប៉ុស្តិ៍ចោមចៅ បានឲ្យដឹងថា ដោយមានរាយការណ៍ពីប្រជាពលរដ្ឋបានបង្ហើបប្រាប់ថា ទីតាំងខាងលើមានមនុស្សសម្ងំប្រើប្រាស់និងជួញដូគ្រឿងញៀនទើបលោកដឹកនាំកម្លាំងចុះដោយផ្ទាល់ធ្វើការឆែកឆេរទីតាំងខាងលើរកឃើញថ្នាំញៀនចំនួន៧កញ្ចប់តូចទើបធ្វើការឃាត់ខ្លួនតែម្តង។

ក្រោយធ្វើការឃាត់ខ្លួនកម្លាំងបាននាំទៅធ្វើការសាកសួរនៅប៉ុស្តិ៍ចោមចៅនិងកសាងសំណុំរឿងបញ្ជូនទៅអធិការនគរបាលខណ្ឌពោធិ៍សែនជ័យចាត់ការបន្ត៕ សុខាសែនជ័យ