ភ្នំពេញ ៖ សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ នៅព្រឹកថ្ងៃទី២៥ ខែមករា ឆ្នាំ២០១៧នេះ បានធ្វើដំណើរតាមឧទ្ធម្ភាគចក្រ ចុះទៅពិនិត្យបទល្មើសនៅលើផ្ទៃបឹងទន្លេសាប ។ ការចុះទៅពិនិត្យផ្ទាល់របស់សម្តេចក្រឡាហោម គឺបន្ទាប់ពីកើតមានបាតុភាព ផ្ទុះអំពើហិង្សា រវាងសមត្ថកិច្ចបង្រ្កាបបទល្មើស ជាមួយក្រុមអ្នកនេសាទល្មើសច្បាប់ នៅលើផ្ទៃបឹងទន្លេសាបកាលពី យប់មិញ ។

ក្នុងដំណើរចុះទៅពិនិត្យបទល្មើសនេសាទនេះ អមដំណើរដោយលោក វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេ សាទ និងជាប្រធានគណៈកម្មការបង្រ្កាប និងទប់ស្កាត់បទល្មើសលើផ្ទៃបឹងទន្លេសាប និងនាយឧត្តមសេនីយ៍ នេត សាវឿន អគ្គស្នងការនគរបាលជាតិ និងជាអនុប្រធានគណៈកម្មការបង្រ្កាប និងទប់ស្កាត់បទល្មើសលើផ្ទៃបឹងទន្លេសាប រួមនិងកម្លាំងពាក់ព័ន្ធមួយចំនួនទៀត ៕ ជាយក្រុង