ខ្សែប្រយុទ្ធអន្តរជាតិអាហ្សង់ទីន Ezequiel Lavezzi ត្រូវបានក្លិបរបស់ ប្រទេសចិន Hebei China Fortune ទិញពី ក្រុម Paris Saint-Germain ដោយផ្តល់ថ្លៃឈ្នួលរហូតដល់ទៅ៤៩ម៉ឺន៣ពាន់ផោន ក្នុងមួយ សប្តាហ៏ ប៉ុន្តែពុំទាន់រកគ្រាប់បាល់បានមួយគ្រាប់ឡើយ ។

បន្ថែមលើប្រាក់ឈ្នួលជិត៥០ម៉ឺនផោនក្នុងមួយសប្តាហ៏ដែលស្មើនឹង២៣,៥លានផោនក្នុងរយៈពេល២ឆ្នាំនេះទៀតខ្សែ ប្រយុទ្ធវ័យ៣០ឆ្នាំ Ezequiel Lavezzi ទទួលបានផ្ទះរៀបចំយ៉ាងស្អាតមួយរថយន្ត២ គ្រឿងចុងភៅ និងអ្នកបើករថយន្តផងដែរ ។

ប៉ុន្តែចាប់តាំងពីចុះកិច្ចសន្យារយៈពេល១ឆ្នាំទៅហើយ Ezequiel Lavezzi លេង បានតែ១០ប្រកួតប៉ុណ្ណោះហើយពុំទាន់រកគ្រាប់បាល់បាននៅឡើយទេ ខណៈដែល គាត់អាចផ្តល់គ្រាប់ឲ្យមិត្តរួមក្រុមស៊ុត បញ្ចូលទីបាន៣គ្រាប់ដែរ ។ អ្វីដែលជា បញ្ហាចម្បងរបស់កីឡាករ Ezequiel Lavezzi គឺគាត់រងរបួសដៃត្រូវការវះកាត់ ក្នុងកម្មវិធី Copa America វគ្គពាក់កណ្តាល ផ្តាច់ព្រ័ត្រ ៕ ដេវីត