ខេត្តក្រចេះ ៖ នៅថ្ងៃទី១៤ ខែកុម្ភៈ ឆ្នាំ២០១៧ វេលាម៉ោង ៨និង៣០ នាទី នៅចំណុចភូមិក្បាលស្នួល ឃុំស្នួល ស្រុកស្នួល មានករណីអគ្គីភ័យ ភ្លើងឆេះផ្ទះ កើតឡើងចំនួន ០១លើក បណ្តាលអោយខូចខាតផ្ទះប្រជាពលរដ្ឋចំនួន ០៦ខ្នង ក្នុងនោះមាន ÷

-ផ្ទះទី១ឈ្មោះ ស្លេះ ហ្សា ទំហំ៦,៥ម៉ែត្រx២៦ម៉ែត្រ ធ្វើអំពីឈើ ប្រកស័ង្កសី ទ្រព្យសម្បត្តិខូចខាតៈ ម៉ូតូចំនួន ០១គ្រឿង, កង់ចំនួន ០១គ្រឿង, ប្រាក់រៀលចំនួន ២,០០០,០០០រៀល (ពីរលានរៀលគត់) ខោអាវ និងសម្ភារៈក្នុងផ្ទះឆេះទាំងស្រុង។
-ផ្ទះទី២ឈ្មោះ ម៉ាត់ ស្លេះ ភេទប្រុស អាយុ ៣៣ឆ្នាំ ផ្ទះទំហំ ៥ម៉ែត្រx១០ម៉ែត្រ ធ្វើអំពីឈើប្រក ស័ង្កសី ទ្រព្យសម្បត្តិខូចខាត ប្រាក់រៀលចំនួន ១,៥០០,០០០រៀល (មួយរយហាសិបពាន់រៀលគត់) ខ្សែកមាសចំនួន ០២ជី, ខោអាវ និងសម្ភារៈក្នុងផ្ទះឆេះទាំងស្រុង ។
-ទី៣ ឈ្មោះ ម៉ាត់ រម៉ស្មះ ផ្ទះទំហំ ៤ម៉ែត្រx១០ម៉ែត្រ ធ្វើអំពីឈើប្រក ស័ង្កសី ទ្រព្យសម្បត្តិខូចខាត ប្រាក់ដុល្លាចំនួន៣០០០ដុល្លា(បីពាន់ដុល្លាគត់)ខោអាវ និងសម្ភារៈក្នុងផ្ទះឆេះទាំងស្រុង ។
-ទី៤ ឈ្មោះ វ៉ាន់ ក្រី ភេទប្រុស អាយុ៤២ឆ្នាំ ផ្ទះទំហំ៥ម៉ែត្រx៧ម៉ែត្រ ធ្វើអំពីឈើប្រកស័ង្កសី ម្ចាស់ផ្ទះមិននៅ ។
-ទី៥ ឈ្មោះ ហេង ថា ភេទប្រុស ផ្ទះទំហំ ៥ម៉ែត្រx៨ម៉ែត្រ ធ្វើអំពីឈើប្រក ស័ង្កសី ទ្រព្យសម្បត្តិខូចខាត (គ្មាន) ។
-ទី៦ ឈ្មោះ កុម អៀម ភេទប្រុស អាយុ ៤៩ឆ្នាំ ផ្ទះទំហំ ៥ម៉ែត្រx១៥ម៉ែត្រ ធ្វើអំពីឈើប្រក ស័ង្កសី ទ្រព្យសម្បត្តិខូចខាត ប្រាក់រៀលចំនួន ៥,០០០,០០០រៀល (ប្រាំលានរៀលគត់) ប្រាក់ដុល្លា ៦,០០០ដុល្លា (ប្រាំមួយពាន់ដុល្លាគត់) មាសចំនួន ០២តំឡឹង , ម៉ូតូចំនួន ០១គ្រឿង ខោអាវ និងសម្ភារៈក្នុងផ្ទះឆេះទាំងស្រុង ។ សរុបថវិកាក្នុងការខូចខាត: – ប្រាក់រៀលចំនួន ៨,៥០០,០០០ រៀល – ម៉ូតូចំនួន ០២គ្រឿង, កង់ចំនួន ០១គ្រឿង
, ខ្សែកមាស ចំនួន ២ជី, មាសចំនួន ០២តំឡឹង និងសម្ភារៈក្នុងផ្ទះមួយចំនួនទៀត ។

មូលហេតុនៃការឆេះ ពុំទាន់ដឹងច្បាស់លាស់នៅឡើយទេ ដោយករណីនេះសមត្ថកិច្ចនគរបាលយើងកំពុងស្រាវជ្រាវរកមូលហេតុ ។

ភ្លើងបានរលត់អស់នៅវេលាម៉ោង ២២:៥០នាទី ដោយកម្លាំងសមត្ថកិច្ចនគរបាលយើងប្រើប្រាស់រថយន្តពន្លត់អគ្គីភ័យអស់ចំនួន ២០រថយន្ត ។

សូមបញ្ជាក់បន្ថែមថា ក្នុងករណីកើតឡើងគ្រោះ ថ្នាក់អគ្គីភយ័នេះផងដែរពុំបណ្តាលអោយមានមនុស្សណាម្នាក់រងរបួសនោះទេ។

សមត្ថកិច្ចបានអោយដឹងថា ភ្លើងចាប់ផ្តើមឆេះដំបូង ចេញពីផ្ទះឈ្មោះវ៉ាន់ ក្រី ភេទប្រុស អាយុ៤២ឆ្នាំ ម្ចាស់ផ្ទះបានចាក់សោរទ្វារផ្ទះចោល និង បានចាក ចេញពីផ្ទះប្រហែល៦ខែមកហើយពុំដែ លឃើញត្រឡប់មកផ្ទះវិញទេ ៕