កីឡាករ Fabinho ខែ្សការពាររបស់ក្លិប Monaco កំពុងតែមានការចាប់អារម្មណ៍ ខ្លាំងចង់បានរូបគេមកចូលរួមក្លិប។ ក្លិបធំៗ ២នៅអង់គ្លេសដែលកំពុងប្រជែងយក កីឡាកររូបនេះគឺក្លិប Manchester United និង Manchester City ។

កីឡាករវ័យ២៣ឆ្នាំសញ្ជាតិប្រេស៊ីល រូបនេះអាចលេងបានតួនាទី២គឺជាខែ្សការពារស្លាបស្តាំនិងបម្រើការពារ ហើយរូបគេកំពុងតែមានក្លិបជាច្រើនចាប់អារម្មណ៍នៅក្នុងរយៈពេលមួយឆ្នាំចុងក្រោយនេះ។

លោក Joao ដែលជាឪពុករបស់កីឡាករ Fabinhoបាននិយាយប្រាប់ទូរទស្សន៍French TV ថា «ពួកយើងកំពុងតែមានការពិភាក្សាគ្នាជាមួយ Manchester United, Manchester City, Arsenal និង Barcelona។ ខ្ញុំពេញ ចិត្តនឹងឲ្យគេទៅលេងនៅ Man Utd ព្រោះ មានលោក Jose Mourinho ប៉ុន្តែ Manchester City ក៏អាចមានឱកាសឆក់កូនប្រុស របស់ខ្ញុំទៅបានដែរដោយសារតែការហ៊ានឲ្យតម្លៃខ្លួន»។

គួរបញ្ជាក់ថា បច្ចុប្បន្នក្រុមបិសាច ក្រហមមានកីឡាករខ្សែការពារជាច្រើន ដូជា កីឡាករ E. Bailly, កីឡាករ M. Rojo, កីឡាករ L. Shaw, កីឡាករ A. Tuanzebe, កីឡាករ P. Jones, C. Smalling, កីឡាករ M. Darmian ក្រោមការដឹកនាំរបស់លោក Jose Mourinho៕  ដេវីត