ខេត្តកណ្តាល៖ មនុស្សជាច្រើននាក់បានរងរបួសធ្ងន់-ស្រាល ក្នុងហេតុការណ៍គ្រោះថ្នាក់ចរាចរណ៍មួយរវាងរថយន្តបែនដឹកថ្មបុកគ្នាជាមួយរថយន្តទួរីស កាលពីវេលាម៉ោង៣រសៀលថ្ងៃទី១៨ ខែកុម្ភៈ ឆ្នាំ២០១៧ នៅលើកំណាត់ផ្លូវលេខ១១៥ ត្រង់ចំណុចសាលាហ៊ុន សែន ខ្ពបវែង ស្ថិតក្នុងភូមិខ្ពបវែង សង្កាត់កំពង់សំណាញ់ ក្រុងតាខ្មៅ ។

បច្ចុប្បន្នសមត្ថកិច្ចកំពុងស្រាវជ្រាវ និងសម្រួលចរាចរណ៍នៅកន្លែងកើតហេតុ ខណៈដែលអ្នកបើកបររថយន្តបង្កត្រូវបានសមត្ថកិច្ចនគរបាលចាប់ខ្លួន រីឯអ្នករងរបួសត្រូវបានរថយន្តសាមុយដឹកបញ្ជូនទៅសង្រ្គោះនៅមន្ទីរពេទ្យផងដែរ ៕ ស្អាងជ័យ