ក្លិបយក្សនៅអង់គ្លេស Man City កំពុង សម្លឹងមើលនិងត្រៀមលុយយ៉ាងច្រើន សន្ធឹកសន្ធាប់ដើម្បីទិញកីឡាករ Lionel Messi ពីក្លិប Barcelonaសម្រាប់រដូវកាលដោះដូរកីឡាករខាងមុខដែលជាតម្លៃថ្លៃ មិនធ្លាប់មានសម្រាប់ក្លិប ។

ឋិតក្នុងក្លិបធំអេស្ប៉ាញតារាឆ្នើមវ័យ ២៩ឆ្នាំ Messi ជាជម្រើសទី១របស់ក្រុម Man City ដែលបានត្រៀមកញ្ចប់លុយដ៏ច្រើនដើម្បីទិញកីឡាកររូបនេះឲ្យបានក្នុងការដាក់ដេញថ្លៃខាងមុខនេះស្របពេល ដែលក្លិបមេឃខៀវមួយនេះជឿជាក់ហើយនឹងមានទំនុកចិត្តខ្លាំងក្នុងទិញយក Messi ព្រោះថារូបគេហាក់ដូចជាមិនចង់នៅក្លិបអេស្ប៉ាញទៀតទេ ។

វត្តមានរបស់លោក Pep Guardiola ធ្វើ ឲ្យក្លិប Man City មានទំនុកចិត្តខ្លាំងដែល លោកជាអ្នកចាត់ការតែម្តង ព្រោះអ្នកទាំង២មានទំនាក់ទំនងគ្នាយ៉ាងជិតស្និទ្ធហើយ Messi មានតកុងត្រានៅសល់ត្រឹមតែឆ្នាំ ២០១៨ខាងមុខប៉ុណ្ណោះ ខណៈដែលបន្ត កុងត្រាថ្មីជាមួយ Barcelona ក៏មិនទាន់ ប្រាកដប្រជាដែរនោះ ៕