ខេត្តកំពង់ស្ពឺ៖ យុវជនឈាមរាវចិត្តភ្លើងម្នាក់ត្រូវបាននគរបាលស្រុកសំរោងទងធ្វើការឃាត់ខ្លួនខណៈដែលខឹងសំុលុយឪពុក២០០០រៀលមិនបានក៏ទៅទាញពូថៅគំរាមកាប់។

ករណីប៉ុនប៉ងកាប់ឪពុករបស់ខ្លួននេះបានកើតឡើងកាលពីវេលាម៉ោងយប់ថ្ងៃទី៥ ខែមីនា ឆ្នាំ២០១៧ ស្ថិតនៅភូមិរលំាងគ្រើល ឃំុរលំាងគ្រើល ស្រុកសំរោងទង ខេត្តកំពង់ស្ពឺ។

នគរបាលស្រុកបានឲ្យដឹងថា យុវជនដែលឃាត់ខ្លួននោះឈ្មោះ អ៊ែល  ដាម៉ូ អាយុ២៣ឆ្នាំ មុខរបរមិនពិតប្រាកដ រស់នៅភូមិរលាំងគ្រេីល ឃំុរលាំងគ្រេីល ស្រុកសំរោងទង ខេត្តកំពង់ស្ពឹ។

នគរបាលស្រុកបានបន្តទៀតថា នៅមុនពេលឃាត់ខ្លួនជនសង្ស័យនោះគឺយុវជនខាងលើបានផឹកស្រាស្រវឹងជោកហើយបានមកសំុលុយពីឪពុកចំនួន២០០០រៀលយកទៅទិញស្រាផឹកទៀត ប៉ុន្តែឪពុកមិនឲ្យក៏ស្រាប់តែកូនប្រុសរូបនោះស្ទុះទៅទាញយកពូថៅដេញកាប់ឪពុកឈ្មោះនៅ សំអឿន អាយុ៤២ឆ្នាំ និងវាយបំផ្លាញសម្ភារ ទូចិញ្ចឹត្រី ចង្រ្កាដាំបាយ និងឆ្នាំចានមួយចំនួនទៀត។

ក្រោយកើតហេតុត្រូវបានឪពុកម្តាយរបស់ជនសង្ស័យមកដាក់ពាក្យបណ្តឹងនៅប៉ុស្តិ៍ដើម្បីឲ្យនគរបាលចាត់ការតាមច្បាប់ ។ ករណីនេះជំនាញកំពុងកសាងសំណំុរឿងបញ្ជូនទៅការិយាល័យជួញជូរ និងការពារអនិតិជន ៕ សេនា ស័ក្តិ