ខេត្ដព្រះសីហនុ៖ នគរបាលប្រឆាំង បទល្មើសសេដ្ឋកិច្ចនៃក្រសួងមហាផ្ទៃ បានចាប់រថយន្ដដឹកកូនគ្រែងឈាមតូចៗ ជាង១តោនបម្រុងយកទៅលក់នៅប្រទេស រៀតណាមកាលពីវេលាម៉ោង៩យប់ថ្ងៃ ទី១៩ ខែសីហា ឆ្នាំ២០១៥ នៅតាម បណ្ដោយផ្លូវជាតិលេខ៤ ឋិតក្នុងឃុំជើង គោ ស្រុកព្រៃនប់ ខេត្ដព្រះសីហនុ ។

លោកវរសេនីយ៍ត្រី ថា លាងស្រ៊ុន នគរបាលប្រឆាំងបទល្មើសសេដ្ឋកិច្ចនៃ ក្រសួងមហាផ្ទៃនិងលោកវរសេនីយ៍ត្រី ថេ សុធីយ៉ា ដែលដឹកនាំការបង្ក្រាបបាន ឱ្យដឹងថា ការបង្ក្រាបឃាត់ចាប់រថយន្ដ ខាងលើនេះនៅបន្ទាប់ពីមានសេចក្ដី រាយការណ៍ថា មានក្រុមឈ្មួញបានលួច បង្កប់ដឹកកូនគ្រែងឈាមប្រភេទតូចៗ ដឹកចេញពីចំណុចភូមិកោះខ្យង ឃុំអូរ ជ្រៅ ស្រុកព្រៃនប់ ខេត្ដព្រះសីហនុ តាម រថយន្ដមួយគ្រឿងម៉ាកសាំយ៉ុង ពណ៌ សំបកឪឡឹក ពាក់ស្លាកលេខ2A-4257 ។ រថយន្ដដឹកកូនគ្រែងឈាមនេះបើកបរ ដោយបុរសម្នាក់ឈ្មោះ ផាន់ សុភឿន អាយុ២៨ឆ្នាំ ដឹកចេញពីចំណុចភូមិកោះ ខ្យង ឆ្លងកាត់ខេត្ដកំពតរួចទើបឆ្លងទៅ លក់ឱ្យឈ្មួញក្នុងប្រទេសវៀតណាម។ នៅបន្ទាប់ពីទទួលបាលព័ត៌មានលម្អិត ហើយនោះកម្លាំងនគរបាលនាយកដ្ឋាន ប្រឆាំងបទល្មើសសេដ្ឋកិច្ចក្រសួងមហា ផ្ទៃបានពួនស្ទាក់និងដេញបង្ក្រាបបាន រថយន្ដមួយគ្រឿងនេះនៅចំណុចខាងលើ តែម្ដង ។

លោកបានឱ្យដឹងដែរថា កូនគ្រែង ឈាមតូចៗដែលបានចាប់ខាងលើនេះ មានទម្ងន់ប្រមាណជាង១តោនហើយកូន គ្រែងឈាមនិងរថយន្ដយកទៅប្រគល់ ឱ្យមន្ដ្រីនគរបាលការិយាល័យប្រឆាំង បទល្មើសសេដ្ឋកិច្ចនៃស្នងការដ្ឋាននគរ បាលខេត្ដព្រះសីហនុដើម្បីចាត់ការបន្ដ និងស្វែងរកម្ចាស់កូនគ្រែងឈាមតូចៗ នេះឃាត់ខ្លួនយកមកផ្ដន្ទាទោសតាម ច្បាប់ ។

បើតាមមន្ដ្រីនគរបាលការិយាល័យ ប្រឆាំងបទល្មើសសេដ្ឋកិច្ចនៃស្នងការ ដ្ឋានខេត្ដព្រះសីហនុឱ្យដឹងថា កូនគ្រែង ឈាមជាង១តោននេះ សមត្ថកិច្ចបាន ប្រគល់បន្ដទៅឱ្យមន្ដ្រីខណ្ឌរដ្ឋបាលកំពង់ សោមក្នុងប្រយោជន៍យកទៅប្រលែង នៅក្នុងសមុទ្រវិញ ។

បើតាមប្រភពបានបង្ហើបឱ្យដឹងថា កូនគ្រែងឈាមតូចៗខាងលើនេះជា របស់មេឈ្មួញឈ្មោះចែ នី និងចែ សាង ដែលឈ្មួញទាំង២នាក់នេះបានរកស៊ីនិង ដឹកជញ្ជូនយកទៅលក់នៅក្រៅប្រទេស ជាច្រើនឆ្នាំមកហើយ ។ កូនគ្រែងឈាម មិនទាន់ដល់ពេលត្រូវយកមកបរិភោគ នោះក្រុមឈ្មួញទាំង២នាក់នេះបាន ប្រមូលទិញពីក្រុមអ្នកនេសាទដោយខុស ច្បាប់នៅចំណុចកោះខ្យង ឋិតក្នុងឃុំអូរ ជ្រៅ ស្រុកព្រៃនប់ ខេត្ដព្រះសីហនុ ។
ការបែបធ្លាយនាំឱ្យមានការបង្ក្រាប ចាប់រថយន្ដដឹងកូនគ្រែងឈាមដែល ទើបនឹងធ្វើនៅពេលនេះគេសង្ស័យថា មានការប្រះស្រាំក្នុងចំណែកផល ប្រយោជន៍ចែកគ្នាស៊ីមិនស្មើ ៕

ដោយ៖ ឆ្លាមសមុទ្រ