ភ្នំពេញ ៖ ជនសង្ស័យចំនួន២នាក់ជាមុខសញ្ញាប្លន់ប្រដាប់អាវុធនិងកាច់កលួចម៉ូតូយ៉ាងសកម្មកក្នុងរាជធានីភ្នំពេញ ត្រូវបានកម្លាំងអធិការដ្ឋានបគរបាលខណ្ឌសែនសុខធ្វើការបង្ក្រាបបានព្រមទាំងចាប់យកកាំភ្លើងខ្លី១ដើមម៉ាកK59និងដែកចុងស្រួចសំរាប់កាច់កម៉ូតូមួយឈុត។

ករណីឃាត់ខ្លួនជនទាំង២នាក់នេះកាលពីម៉ោង១១និង៣០នាទីព្រឹកថ្ងៃទី២២ខែមីនាឆ្នាំ២០១៧នៅផ្លូវ២០១១ភូមិក្រាំងអង្ក្រងសង្កាត់ក្រាំងធ្នង់ខណ្ឌសែនសុខ។

សមត្ថកិច្ចបានអោយដឹងថាជនសង្ស័យទាំង២នាក់ដែលឃាត់ខ្លួននេះទី១ឈ្មោះ អៀង សុខនី ភេទប្រុសអាយុ ៤២ឆ្នាំមុខរបរមិនពិតប្រាកដស្នាក់នៅតាមផ្ទះសំណាក់ក្នុងរាជធានីភ្នំពេញមានស្រុកកំណើតខេត្តកំពង់ឆ្នាំង។

ជនសង្ស័យទី២ឈ្មោះ នោ សុផល ភេទប្រុសអាយុ ៣៧ឆ្នាំ មុខរបរមិនពិតប្រាកដស្នាក់នៅចល័តតាមផ្ទះសំណាក់ក្នុងរាជធានីភ្នំពេញ។ មានស្រុកកំណើតភូមិ៧ឃុំ៧ស្រុកស៊ីធរកណ្តាលខេត្តកំពង់ចាម។

សមត្ថកិច្ចបានប្រាប់ថាមុនឃាត់ខ្លួនជនសង្ស័យខាងលើខណះដែលកម្លាំងរបស់អធិការខណ្ឌកំពុងល្បាតក្នុងមូលដ្ឋានស្រាប់តែបានជួបជនសង្ស័យទាំង២នាក់ជិះកំពុងជិះម៉ូតូមួយគ្រឿងម៉ាកឌ្រឹមសង់សេ១២៥ពណ៌ខ្មៅ ឌុបគ្នាចេញពីបុរីពិភពថ្មីផ្លូវ២០១១ដិយសង្ស័យក៍ឃាត់ពិនិត្យស្រាប់តែប្រទេះកាំភ្លើងខ្លីមួយដើមម៉ាកK59មិនមានឯកសារត្រឹមត្រូវមានគ្រាប់ចំនួន០៧គ្រាប់និងឃើញមានដែកចុងស្រួចសម្រាប់កាចមកម៉ូតូមួយកំប្លេរឃាប់ខ្លួនក៍ឃាត់តែម្តង។

បច្ចុប្បន្នជនសង្ស័យទាំង២នាក់កំពុងឃាត់ខ្លួនបណ្តោះអាសន្នធ្វើការសាកសួរនៅអធិការដ្ឋានគរបាលខណ្ឌសែនសុខនិងក៍សាងសំណុំរឿងបញ្ជួនទៅតុលាការចាត់ការបន្តតាមនិតិវិធី៕ តុង សីហា