ភ្នំពេញ៖ កម្លាំងនគរបាលប៉ុស្តិ៍ផ្សារដើមថ្កូវបានធ្វើការឃាត់ខ្លួនស្ត្រីម្នាក់ពីបទជួញដូរសាររធាតុញៀនដោយខុសច្បាប់តាមដីការបស់តុលាការបង្កាប់ឲ្យចូលខ្លួន។

ករណីនេះបានធ្វើឡើងនៅវេលាម៉ោង១០និង៤០នាទីព្រឹកថ្ងៃទី២៣ ខែមីនា ឆ្នាំ២០១៧ ត្រង់ចំណុចខាងមុខផ្ទះជួលគ្មានលេខ ផ្លូវព្រះមុន្នីវង្ស ក្រុម៣២ ភូមិ៥ ក្នុងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។

ប្រភពបានឲ្យដឹងថា ដោយយោងតាមមាត្រាលេខ១៩៥ ដល់មាត្រា២០២ នៃក្របព្រហ្មទណ្ឌ សំណុំរឿងព្រហ្មទណ្ឌលេខ៤៨៦៥ ចុះថ្ងៃទី៩ ខែតុលា ឆ្នាំ២០១៦ ដែលចេញដោយលោក ឡុង កេសភីរម្យ ចៅក្រមស៊ើបសួរនៃសាលាដំបូងរាជធានីភ្នំពេញ។

ជនសង្ស័យមានឈ្មោះ សោម អូន ភេទស្រី អាយុ ៤៨ឆ្នាំ មុខរបរមិនពិតប្រាដក ស្នាក់នៅផ្ទះលេខ២២ ផ្លូវព្រះមុនីវង្ស ក្រុម៣២ភូមិ៥ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។

ក្រោយកើតហេតុស្រ្តីជនសង្ស័យត្រូវសមត្ថកិច្ចប៉ុស្តិ៍ផ្សារដើមថ្កូវយកមកសួរនាំនៅអធិការដ្ឋាននគរបាលខណ្ឌចំការមន ដើម្បីចាត់ការទៅតាមច្បាប់៕ ស រស្មី