ភ្នំពេញ៖ នៅវេលាម៉ោង១និង៥០នាទីរំលងអធ្រាត្រឈានចូលថ្ងៃ៦ ខែមេសា ឆ្នាំ២០១៧ នៅក្នុងការដ្ឋានសំណង់កោះពេជ្រ ក្រុម៧៨ ភូមិ១៤ សង្កាត់ទន្លេបាសាក់ ខណ្ឌចំការមន  រាជធានីភ្នំពេញ កម្លាំងល្បាតប៉ុស្តិ៍ទន្លេបាសាក់បានឃាត់ខ្លួនក្មេងស្ទាវ៤នាក់ពាក់ព័ន្ធប្រើប្រាស់គ្រឿងញៀន។

បើតាមប្រភពព័ត៌មានពីនគរបាលប៉ុស្តិ៍ទន្លេបាសាក់បានប្រាប់ឲ្យដឹងថា កម្លាំងល្បាតរបស់លោកបានសហការជាមួយសន្តិសុខកោះពេជ្រក្នុងមូលដ្នានខណៈជិះមកដល់ចំណុចក្នុងការដ្ឋានសំណង់កោះពេជ្រ ក៏ប្រះឃើញក្មេងស្ទាវ៤នាក់អង្គុយជក់និងប្រើប្រាស់គ្រឿងញៀនក៏ធ្វើការត្រួតពិនិត្យជនសង្ស័យខាងលើឃើញមានប្រដាប់ជក់មួយចំនួន ក៏បានធ្វើការឃាត់ខ្លួនទាំង៤នាក់តែម្តង។

ជនសង្ស័យមានទី១ឈ្មោះស៊ុំ ធួក ភេទប្រុស អាយុ២៤ឆ្នាំមុខរបរបើកបរ ទី២ឈ្មោះ អ៊ុង ជីនិត ភេទប្រុស អាយុ២៧ឆ្នាំ មុខរបរកម្មករឡាន ទី៣ឈ្មោះវ៉ែន ធារ៉ា ភេទប្រុស អាយុ២៥ឆ្នាំមុខរបរ បើកឡាន និងទី៤ឈ្មោះជា ឈុន ភេទប្រុសអាយុ២៣ឆ្នាំមុខរបរកម្មករឡាន និងដកហូតបានសម្ភារជក់មួយកំប្លេរ ។

បច្ចុប្បន្នក្មេងស្ទាវ៤នាក់ខាងលើនិងវត្ថុតាងត្រូវសមត្ថកិច្ចប៉ុស្តិ៍ទន្លេបាសាក់បញ្ជូនទៅអធិការដ្នាននគរបាលខណ្ឌចំការមនដើម្បីកសាងសំណុំរឿងចាត់ការតាមច្បាប់ ៕ ស រស្មី