ខេត្តត្បូងឃ្មុំ ៖ កាលពីវេលាម៉ោង១០និង១០នាទី យប់ថ្ងៃទី២៦ ខែមេសា ឆ្នាំ២០១៧ លើផ្លូវជាតិលេខ៧ចន្លោះបង្គោលគីឡូម៉ែត្រលេខ 136 -137 មុខផ្ទៈឈ្មោះថន ប៊ុនថេន ភេទ ប្រុស ស្ថិតនៅភូមិស្លាបក្តោង ឃុំជប់ ស្រុកត្បូងឃ្មុំ ខេត្តត្បូងឃ្មុំ មានគ្រោះថ្នាក់ ចរាចរណ៍វាងរថយន្តនិងម៉ូតូ ។

រថយន្តម៉ាកសាំងយ៉ុង ពណ៌ ស ពាក់ស្លាកលេខភ្នំពេញ2M.57 41 បើកបរដោយឈ្មោៈធី ភារម្យ ភេទ ប្រុស អាយុ23ឆ្នាំជាតិ ខ្មែរនៅភូមិចុងផាន ឃុំពូជ្រៃ ស្រុកពេជតា ខេត្តមណ្ឌលគិរី បានបុកជាមួយម៉ូតូម៉ាកសង់កូរ៉េ ពណ៌ក្រហម គ្មានស្លាកលេខ បើកបរដោយឈ្មោះ ណុៈ ម៉ាត់ ភេទ ប្រុស អាយុ54ឆ្នាំ ជនជាតិចាម រស់នៅ ភូមិ15 ឃុំជប់ ស្រុកត្បូងឃ្មុំ ខេត្តត្បូងឃ្មុំ(របួសធ្ងន់) រួមដំណើរដោយឈ្មោះហេង ឃីម ភេទប្រុស អាយុ43ឆ្នាំ ជាតិខ្មែរ រស់នៅភូមិ46 ឃុំជប់ ស្រុកត្បូងឃ្មុំ ខេត្តត្បូងឃ្មុំ (របួសធ្ងន់) ។ បើកក្នុងទិសដៅស្របគ្នា ពីកើតទៅលិច ម៉ូតូបើកបរពីមុខ ។

ក្រោយកើតហេតុ សមត្ថកិច្ចចរាចរណ៍ស្រុកត្បូងឃ្មុំឃាត់អ្នកបើកបររថយន្តដើម្បីកសាងសំណុំរឿងតាមនីតិវិធី ៕ វណ្ណះ