ខេត្តស្វាយរៀង៖ ប្រុសស្រី២នាក់រងរបួសធ្ងន់ស្រាលដោយសារជិះម៉ូតូគេចពីសត្វក្របីឆ្លងកាត់លើផ្លូវជាតិលេខ១ក៏ចាប់ហ្វ្រាំងគេចបណ្តាលឲ្យដួលបោកទៅនឹងផ្លូវ កាលពីវេលាម៉ោង៦និង២៥នាទីព្រឹកថ្ងៃទី២៥ ខែកញ្ញា ឆ្នាំ២០១៥ស្ថិតនៅចំណុចភូមិអង្គាសដី ឃុំតាសួសស្រុកស្វាយជ្រំ ខេត្តស្វាយរៀង ។

សមត្ថកិច្ចនគបាលចរាចរណ៏ស្រុកស្វាយជ្រំបានអោយដឹងថាជនរងគ្រោះដែលជិះម៉ូតូគេចពីសត្វក្របីមានឈ្មោះគីម សុភាព ភេទប្រុស អាយុ២៥ឆ្នាំមុខរបរកសិករនិងអ្នករួមដំណើរមានឈ្មោះសៅ សារ៉ន ភេទស្ រីអាយុ២៣ឆ្នាំមុខរបរកសិករ ដោយអ្នកទាំង២មានទីលំនៅក្នុងភូមិត្រោក ឃុំតាសួស ស្រុកស្វាយជ្ រំខេត្តស្វាយរៀង ។

បើតាមអ្នកភូមិបានប្រាប់ថាមុនពេលកើតហេតុមានមនុស្សប្រុសស្រី២នាក់បានជិះម៉ូតូមួយគ្រឿងម៉ាកហុងដាសេ១២៥ ពណ៏ខ្មៅ ពាក់ស្លាកលេខភ្នំពេញ1BQ-4063ដោយធ្វើដំណើរពីលិចមកកើតក្នុងល្បឿនធម្មតាស្របពេលនោះស្រាប់តែមានសត្វក្របីរត់ឆ្លងកាត់លើផ្លូវជាតិលេខ១ធ្វើអោយអ្នកបើកបរចាប់ហ្រ្វាំងនិងគេចចេញពីសត្វក្របីបណ្ដាលអោយដួលបោកក្បាលនិងថ្នល់សន្លប់ស្ដូកស្ដឹងតែម្ដង ។

ក្រោយកើតហេតុសមត្ថកិច្ចនគបាលក៏បានមកដល់និងដឹកជនរងគ្រោះមកកាន់មន្ទីរពេទ្យខេត្តស្វាយរៀងប៉ុន្តែដោយអ្នករួមដំណើរឈ្មោះសៅ សារ៉ន រងរបួសធ្ងន់ក៏ត្រូវបានក្រុមគ្រួសារបញ្ជូនបន្តមកព្យាបាលនៅប្រទេសវៀតណាមរីឯសត្វក្របីត្រូវបានសមត្ថកិច្ចដឹកមកកាន់អធិការដ្ឋាននគរបាលស្រុកស្វាយជ្រំ ដើម្បីអោយម្ចាស់សត្វក្របីដោះស្រាយជាមួយជនរងគ្រោះនាពេលក្រោយ ៕

ដោយ៖ ឃឹម សុថាន