ខេត្តឧត្តមានជ័យ ៖ បុរសម្នាក់បានស្លាប់ក្រោយពេលបញ្ជួនដល់មន្ទីពេទ្យនិងពីនាក់ប្ដីប្រពន្ធបានរងរបួសធ្ងន់ក្នុងករណីគ្រោះថ្នាក់ចរាចរណ៍រវាងម៉ូតូនិងម៉ូតូ កាលពីវេលាម៉ោង6និង30នាទីល្ងាចថ្ងៃទី2ឧសភាឆ្នាំ2017 ស្ថិតនៅលើកំណាត់ផ្លូវជាតិលេខ56Aក្នុងភូមិទន្លេសរ ឃុំគោកខ្ពស់ ស្រុកបន្ទាយអំពិលខេត្តឧត្ដមានជ័យ ។

សាកសពរងគ្រោះឈ្មោះថន ថុលភេទប្រុសអាយុ21ឆ្នាំរស់នៅក្នុងភូមិឃុំកើតហេតុខាងលើ។ជនបង្ករឈ្មោះសៀងកំសត់ភេទប្រុសអាយុ 30ឆ្នាំ រស់នៅភូមិពោធិ៍ថ្មី ឃុំបេង ស្រុកបន្ទាយអំពិល និងនាក់រួមដំណើរជាប្រពន្ធឈ្មោះ ណាល់ ចាន់ នឿ ភេទស្រី អាយុ22ឆ្នាំ។

តាមការអោយដឹងពីសាក្សីនៅកន្លែងកើតហេតុថាម៉ូតូទាំងពីគ្រឿងខាងលើបានធ្វើដំណើស្របទឹសគ្នាពេលមកដល់កន្លែងកើតហេតុដោយមានការឡើងវ៉ាជែងគ្នាក្នុងល្បឿនលឿនដោយមិនមានការប្រុងប្រយត្ន័ក៍បានព្រលះគ្នាពេញមួយទំហ៊ឹងតែម្ដងទៅរហូតបង្ករអោយមានស្លាប់និងរបួស។

ក្រោយកើតហេតុសមត្ថកិច្ចជុំនាញចរាចរណ៍បានចុះធ្វើការវាស់វែងនិងប្រមូលវត្ថុតាងម៉ូតូទាំងពីរគ្រឿងខាងលើយកមករក្សាទុកនៅអធិការដ្ឋាននគរបាល ស្រុកបន្ទាយអំពិល និងចាត់ការទៅតាមផ្លូវច្បាប់ ៕