ភ្នំពេញ៖ លោក សួស សងវាចាតារាចម្រៀងមនោសញ្ចេតនា ដែលបានចូលរព្យាបាលជំងឺលើសឈាមចាប់តាំងពីល្ងាចថ្ងៃទី ៥ ខែកញ្ញា កន្លងទៅនោះ បាននៅបន្តសម្រាលព្យាបាលតាមដានពីគ្រូពេទ្យជំនាញនៅឡើយ។ គ្រានេះលោកក៏ត្រូវបានប្រជាជនខ្មែរដែលរស់នៅប្រទេសញូវហ្សាលេនបានផ្ញើសាលើកទឹកចិត្ត និងប្រគល់ថវិកាមួយចំនួនសម្រាប់លោកនិងក្រុមគ្រួសារដោះស្រាយការចំណាយផងដែរ ។
គេចាំបានថា លោក សួស សងវាចា បាន ធ្លាក់ខ្លួនឈឺ ខណៈលោកកំពុងរត់ហាត់ប្រាណមុខផ្ទះ ក៏ស្រាប់តែទន់ជើងដួលរហូតដាច់សរសៃឈាម និង ស្លាប់មួយចំហៀងខ្លួន ។ក្រោយស្ថានភពជំងឺមិនមិលរកស្ថានភាបដូចការរំពឹងទុកលោក ត្រូវបានក្រុមគ្រួសារបញ្ជូនទៅសង្គ្រោះនៅមន្ទីរពេទ្យប្រទេសវៀតណាម ហើយពេលនេះកំពុងសម្រាកព្យាបាលជំងឺនៅមន្ទីរពេទ្យជោរៃកម្ពុជានៅឡើយបើទោះបីជាស្ថានភាពជំងឺហាក់ធូស្បើយជាមុនច្រើនក្តី។ កន្លងទៅមានមន្ត្រីក្រសួង ស្ថាប័ននានា និងសិល្បករមួយចំនួនបានបន្តការសាកសួរសុខទុករួមទាំងប្រគល់ថវិកាមួយចំនួនដល់លោកដើម្បីបន្តការព្យាបាលជំងឺ និងសម្រួលការលំបាករបស់ក្រុមគ្រួសារលោក។ ថ្មីៗនេះតារាចម្រៀងប្រចាំផលិតកម្ម អឹម(M)លោក សន វិជ្ជបុត្រ បាននាំយកអំណោយជាថវិកាផ្ទាល់ខ្លួន និងថវិកាដែលបានពីសប្បុរសជនរស់នៅប្រទេសញូវហ្សាលែនប្រគល់ដោយផ្ទាល់ដៃនៅមន្ទីរពេទ្យជោរៃនៅភ្នំពេញផងដែរ។
លោក សន វិជ្ជបុត្រ បញ្ជាក់ថា ប្រជាជនខ្មែរដែលរស់នៅប្រទេសញូវហ្សាលែនបានផ្ញើថវិកាតាមរយៈលោក ហើយពួកគាត់ក៏បានធ្វើការផ្តាំផ្ញើសាកសួរសុខទុក្ខលើកទឹកចិត្តដល់តារាចម្រៀងជើងចាស់រូបនេះផងដែរ។
លោកបញ្ជាក់ថា ការលើកទឹកចិត្តរបស់ប្រជាជនខ្មែររស់នៅក្រៅប្រទេសនេះគឺក្រោយពីពួកគាត់ទទួលបានដំណឹងអំពីស្ថានភាពជំងឺរបស់លោក សួងសងវាចា ដែលកន្លងមកលោកធ្លាប់បានចេញទៅសម្តែងច្រៀងរាំបម្រើការសប្បាយរបស់ប្រជាជនខ្មែររស់នៅទីនោះជាច្រើនលើកច្រើនសារ។
លោកបញ្ជាក់ថា សប្បុរសជនមួយចំនួនមានដូចជា អ្នកនាង Lynda Srey Tep So ,លោក Borin Mich Sophial Bun, អ្នកស្រីSokum Tuy និងស្វាមី,លោកBong Vannak និងភរិយា,អ្នកស្រីSithy Dee និងស្វាមី,លោកKimberly Pong ,លោក Ashley និង Sunny ,លោក Voueth លោកRim Bo ,លោកOum Phron ,លោកស្រី Ming O អ្នកនាងSrey Mum ,លោកស្រីMing Ram ,អ្នកស្រីJasmine donuts ,លោកPu Sear Pich និងភរិយា,លោក Sorth Chen និងលោក Lim និងភរិយាដែលសរុបថវិកាចំនួន៣៦០ដុល្លារអាមេរិក។
លោកថា ការរួមចំណែកជួយជាថវិកានេះទោះបីជាមិនច្រើនប៉ុន្តែវាគជាទឹកចិត្តដែលផុសចេញពីបេះដូងពិតៗមានចំពោះសិល្បករ ។លោកថាការសាកសួរសុខទុក្ខពេកលនេះគឺជាចំណែកនៃការជួយលើកកម្លាំងចិត្តដល់សិល្បករដែលធ្លាប់មានកេរឈ្មោះល្បីពិសេសធ្លាប់បម្រើអារម្មណ៍ ការកម្សាន្តរបស់ទស្សនិកជន។
គួរបញ្ជាក់ដែរថា លោកសួស សងវាចា ជាតារាចម្រៀងដែលនិយមច្រៀងបទមនោសញ្ចេត សម្រាប់ផលិតកម្មជាច្រើននៅក្រៅប្រទេសដូចជាផលិតកម្ម រៃមាស តោមាស បុផ្ផាជាដើមនិងធ្លាប់បម្រើវិស័យសិល្បៈជិត២០រួមទាំកម្មវិធីជាច្រើនរបស់សង្គមពិសេសបទចម្រៀងរបស់កាកបាទក្រហមកម្ពុជា បទចម្រៀងរបស់ក្រសួងទេសចរណ៍ជាដើម។
តារាចម្រៀងវ័យ៤៩ឆ្នាំនិងមានស្រុកកំណើតនៅខេត្តស្វាយរៀងរូបនេះធ្លាប់បានចេញទៅច្រៀងរាំនៅបណ្តាប្រទេសជាច្រើនដែលមានប្រជាជនខ្មែររស់នៅហើយលោកត្រូវបានគេចាត់ទុកថាជាតារាចម្រៀងមានសំនៀងពិរោះស្រដៀងគ្នាទៅនឹងអធិរាធសំឡេងមាសស៊ិន ស៊ីសាមុត។ លោកក៏ត្រូវសិល្បករជំនាន់ក្រោយគោរពស្រលាញ់រាប់អានព្រោះលោកគឺជាសិល្បករដែលមានអត្តចរិកស្លូតបូតសុភាពរាបសា ៕
ដោយ៖ វឌ្ឍនា
