ភ្នំពេញ៖ បុរសម្នាក់ស្រវឹងស្រាជោគជាំបានជិះម៉ូតូMSX ក្នុងល្បឿនលឿន  បណ្តាលអោយដួលបោកទៅនឹងថ្នល់សន្លប់ស្តូកស្តឹង ។ ហេតការណ៍នេះបានកើតឡើងកាលពីវេលាម៉ោង ០១និង៥០នាទី រំលងអាធ្រាត្រឈានចូល ថ្ងៃទី២៦ ខែកញ្ញា ឆ្នាំ២០១៥ តាមបណ្តោយផ្លូវសហព័ន្ឋរុស្សី ទល់មុខនិងអាកាសយាន្តដ្ឋានអន្តរជាតិភ្នំពេញ ភូមិក្បាលដំរី សង្កាត់កាកាប ខណ្ឌពោធិសែនជ័យ ។

តាមប្រភពពីកន្លែងកេីតហេតុបានអោយដឹងថា មុនពេលកេីតហេតុគេឃេីញបុរសម្នាក់ជិះម៉ូតូមួយគ្រឿងម៉ាក MSX  ពណ៍ខ្មៅ ពាក់ស្លាកលេខ ភ្នំពេញ1FH-0375 ធ្វើដំណើរតាមបណ្តោយផ្លូវសហព័ន្ធរុស្ស៊ី ក្នុងល្បឿនលឿន ទាំងស្ថានភាពស្រវឹងស្រាជោកជាំលុះមកដល់ចណុចកើតហេតុ  ក៏ស្រាប់តែរបូតដៃពីចង្កូតម៉ូតូ ដួលបោកទៅនិងថ្នល់យ៉ាងពេញទំហឹង បណ្តាលឲ្យសន្លប់ស្តូកស្តឹងនៅនិងកន្លែងតែម្តង ។

ក្រោយពេលកើតហេតុ ជនរងគ្រោះត្រូវបានរថយន្តសង្គ្រោះដឹកទៅមន្ទីរពេទ្យ ចំណែកម៉ូតូត្រូវបានសមត្ថកិច្ចយកមករក្សាទុកនៅប៉ុស្តិ៍នគរបាលកាកាប ដើម្បីរងចាំបងប្អូនបុរសនោះមកទទួលយកវិញ ៕

ដោយ៖ សុខា សែនជ័យ