ភ្នំពេញ៖ គ្រឿងញៀនប្រភេទមេតំហ្វាតាមីន ហេរ៉ូអ៊ីន និងប្រភេទថ្នាំគ្រាប់ជាច្រើនម៉ឺនគ្រាប់ ជាបឋមមានចំនួនជាង៥០គីឡូក្រាម ត្រូវបានកម្លាំងសមត្ថកិច្ច មន្ទីរប្រឆាំងគ្រឿងញៀនក្រសួងមហាផ្ទៃ ឆែកឆេរ រកឃើញកាលពីយប់ថ្ងៃទី១៧ ខែឧសភា ឆ្នាំ២០១៧ នៅលំនៅឋានមួយកន្លែង ស្ថិតទល់មុខវត្តសំរោងអណ្តែត សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។

ពុំទាន់មានប្រភពច្បាស់ការណ៍នៅឡើយទេចំពោះការឆែកឆេរនេះ មានគ្រឿងញៀនចំនួនប៉ុន្មានគីឡូក្រាម ហើយត្រូវបានឃាត់ខ្លួនជនសង្ស័យប៉ុន្មាននាក់ ខណៈសមត្ថកិច្ចកំពុងបន្តនីតិវិធី រកនូវមុខសញ្ញាក្រុមជនពាក់ព័ន្ធ ៕ តុង សីហា