ខេត្តព្រះសីហនុ ៖  ស្ត្រីមានផ្ទៃពោះ៧ខែ រួមជាមួយប្តីបានរងរបួសធ្ងន់បន្ទាប់ពីត្រូវបានរថយន្តមន្ត្រីកងអង្គរក្សឋានៈវរៈសេនីយ៍ត្រី បុកពេញទំហឹងខណះពេលប្តីប្រពន្ឋរងគ្រោះឆ្លងផ្លូវមកដល់ដីក្រហមឆ្ពោះទៅកាន់លំនៅដ្ឋានតំបន់ក្បាលឆាយ។ ហេតការណ៏នេះបានកើតឡើងនៅវេលាម៉ោង១៩និង៤៩នាទីយប់ថ្ងៃទី២២ឧសភាឆ្នាំ២០១៧ ត្រង់ចំនុចផ្លូវចូលក្បាលឆាយ ស្ថិតក្នុងភូមិ០១ សង្កាត់លេខ០១ ក្រុងព្រះសីហនុ។

ជុំវិញករណីគ្រោះថ្នាក់ចរាចរណ៏នេះ បើយោងតាមការបញ្ជាក់ជំហានតំបូងពីសមត្ថកិច្ចចរាចរណ៏នៅកន្លែងកើតហេតុបានអោយដឹងថា នៅវេលាកើតហេតុខាងលើមានករណីគ្រោះ ថ្នាក់ចរាចរណ៏មួយកើតឡើងដែលបង្ករឡើងដោយរថយន្តមួយគ្រឿង ម៉ាកកាមរីបាឡែនពណ៏ស្ករពាក់ស្លាកលេខ ភ្នំពេញ 2AD  3225 បើកបរដោយឈ្មោះជួន ចិន ភេទ ប្រុសមានមុខងារមន្ត្រីកងអង្គរក្សឋានៈវរៈសេនីយ៍ត្រី មិនស្គាល់អាយុ ក្នុងទិសដៅពីភ្នំពេញចូលក្រុងព្រះសីហនុ(ពីកើតទៅលិច)គេចខ្លួនក្រោយកើតហេតុ បានបុកម៉ូតូមួយគ្រឿងម៉ាក អ៊ែប្លែត ពណ៏ក្រហមស គ្មានស្លាកលេខ បើកបរដោយឈ្មោះ ក្រួច សុខុន ភេទ ប្រុស អាយុ ៣៣ឆ្នាំ មុខរបរជាងដែកនៅក្បាលឆាយ រងរបួសធ្ងន់រួមជាមួយប្រពន្ឋឈ្មោះ ចំរើន ផលអាយុ ៣៧ឆ្នាំ(មានផ្ទៃពោះ៧ខែ) រងរបួសធ្ងន់ភ្លៅស្តាំ ខណះពេលម៉ូតូជនរងគ្រោះធ្វើតំណើរចេញពីក្រុងព្រះសីហនុបត់ឆ្វេង ឆ្ពោះទៅកាន់លំនៅដ្ឋាននៅក្បាលឆាយដល់ដីក្រហមទៅហើយ។

ដោយឡែកយោងតាមសាក្សីបានឃើញហេតការណ៏បានអះអាងថា នៅវេលាកើតហេតុគេបានឃើញម៉ូតូជនរងគ្រោះ រួមជាមួយរថយន្តចំនួន០៣គ្រឿងផ្សេងទៀតបើកស្របទិសគ្នាក្នុងនោះមានរថយន្តមួយគ្រឿងបានវ៉ារថយន្តខាងមុខ ស្របពេលនោះរថយន្តបង្ករដែលមាន ទិសដៅបញ្ច្រាស់គ្នាក៏បានមកដល់ចំនុចនោះដែរ ហើយបបាន រេចង្កូតគេចរថយន្តដែលវ៉ានោះទើបមកបុកម៉ូតូជនរងគ្រោះតែម្តង បណ្តាលអោយខ្ទាតជិត២០ម៉ែត្រ បង្ករអោយមនុស្សចំនួន០២នាក់រងរបួសធ្ងន់គួរអោយរន្ឋត់។

ក្រោយកើតហេតុជនរងគ្រោះត្រូវបានរថយន្តសង្គ្រោះឯកជនដឹកមកកាន់គ្លីនិចដើម្បីសង្គ្រោះបឋម រីឯ ម៉ូតូនិងរថយន្តត្រូវបានកំលាំងសមត្ថកិច្ចស្ទួចយកទៅរក្សាទុកនៅការិយាល័យចរាចរណ៏ខេត្តរងចាំការដោះស្រាយនៅពេលបន្ទាប់ ៕  ឆ្លាម សមុទ្រ