ភ្នំពេញ ៖ នារីម្នាក់ទើបតែស្គាល់គ្នាជាមួយបុរសម្នាក់តាមរយះប្រព័ន្ធបណ្តាញសង្គមfacebookក៏ណាត់គ្នាជួននិងផឹកស្រាបៀរនិយាយគ្នាលេងលុះពេលស្រវឹងស្រឿងៗស្រាប់តែបុរសនោះនាំទៅកន្លែងស្ងាត់វាយប្លន់យកទូរស័ព្ទនិងលុយហើយគេចខ្លួនបាត់។

ហេតុការណ៍នេះបង្កអោយមានការភ្ញាក់ផ្អើលកាលវេលាម៉ោង ៨យប់ថ្ងៃទី១១ខែមិថុនាឆ្នាំ២០១៧ស្ថិតនៅភូមិចាក់ជ្រូកសង្កាត់សំរោងក្រោមខណ្ឌពោធិសែនជ័យ។

ជនរងគ្រោះឈ្មោះម៉ៅ ម៉ារី២៥មុខរបរកម្មកររោងចក្រ ស្នាក់នៅផ្ទះជួលភូមិព្រៃស្វាយ សង្កាត់ចោមចៅ ខណ្ឌពោធិ៍សែនជ័យ។មានស្រុកកំណើតនៅភូមិព្រៃចំបក់ឃុំឈើទាលស្រុកស្វាយជ្រំខេត្តស្វាយរៀង។

តាមប្រភពព័ត៌មានពីកន្លែងកើតហេតុបាននិយាយថាមុនពេលកើតហេតុ គេបានឃើញនារីរងគ្រោះខាងលើដើរម្នាក់ឯងដោយមានសភាពមិនប្រកក្រតីដោយដៃកាន់អង្អែលមុខនិងមានរបួសសើរស្បែកជាំ(ក្រហមពេញមុខ)។បន្ទាប់មកប្រជាពលរដ្ឋបានសួនាំនារីខាងលើ ហើយនារីរងគ្រោះខាងលើដោយនិយាយថា ខ្លួនត្រូវគេដាក់ថ្នាំ យកកាបូបលុយនឹងទូរស័ព្ទបាត់ ហើយសួរ អ្វីៗផ្សេងទៀតដោយមិនប្រាប់ ហើយប្រជាពលរដ្ឋសួរនាំនារីខាងលើទៀតដោយមិនដឹងខ្លួនម្តងថាជិះម៉ូតូមក ម្តងខ្លះថាជិះជាមួយគេមក ។

ប្រជាពលរដ្ឋនៅកន្លែងកើតហេតុបានបន្តទៀតថាភ្លាមៗនោះពួកគាត់បានវាយខ្ទឹមសអោយគាត់ហិតដើម្បីបន្សាបជាតិថ្នាំ ។

តាមប្រភពពីលោកនាយប៉ុសិ៍សង្កាត់សំរោងបាននិយាយថា នារីរងគ្រោះខាងលើមិនមែនត្រូវថ្នាំគេទេ គឺសង្ស័យគឺចាញ់ការលួងលោមគេ។ ក្រោយមមកសមត្ថកិច្ចបានទំនាក់ទំនងទៅក្រុមគ្រួសារដែរ តែមិនអាចទាក់ទងពុំចូល ហើយលោកនាយ ប៉ុសិ៍បាននាំជនរងគ្រោះទៅផ្ទះជួលតែម្តង។

បើតាមប្រភពពី ប្អូនស្រីឈ្មោះ ម៉ៅ ស្រីណុចត្រូវជាប្អូនបង្កើត បាននិយាយថា នៅពេលថ្ងៃរសៀលម៉ោង៤ថ្ងៃដដែល បងស្រីរបស់គាត់គឺមានមិត្តប្រុសម្នាក់ដែលស្គាល់តាម(Facebook)ដែលទើបនឹងស្គាល់គ្នា បានឆាត ហើយបបួលបងស្រីនាងទៅហូបស្រាក្លែមសាច់ក្រក់នៅផ្លូវជាតិលេខ៤នៅ(កំបូល)ដោយរូបគាត់ទៅជាមួយផងដែរ។ ប្រភពព័ត៌បានបន្តទៀតថាពេលនាំគ្នាដល់កន្លែងលក់សាច់ក្រកដោយពួកគាត់ហូបបានបន្តិច នាងក៏បានបបួលបងនាងមកផ្ទះតែបងស្រីនាងអោយនាងមកមុនដោយប្រាប់ ចាំកន្លះម៉ោងទៀតពួកគាត់នឹងទៅ វិញហើយ។
នាងបន្តទៀតថាដោយជនសង្ស័យខាងលើ មានអាខោន(Facebook)ឈ្មោះ ដែន កូនខ្មែរ ។

ក្រោយពេលកើតហេតុសមត្ថកិច្ចបានសាក់សួររួចរាល់ហើយសមត្ថកិច្ចនឹងអោយនារីរងគ្រោះសម្រាករងចាំព្រឹកចាំស្វាងស្រានឹងទៅដាក់ពាក់បណ្តឹង នៅប៉ុសិ៍សំរោងក្រោម ៕ សុខាសែនជ័យ