ខេត្តព្រះសីហនុ ៖ លោក​វរសេនីយ៍ទោ រស់ កី អធិការ​នគរបាលស្រុកស្ទឹងហាវបានឲ្យដឹង​ថា  នៅវេលាម៉ោង ៩និង៤០នាទី​ព្រឹក ថ្ងៃទី២៤ ខែមិថុនា ឆ្នាំ២០១៧ ថ្មីៗ​ នេះ កងកម្លាំងនគរបាលស្រុកស្ទឹងហាវ សហការជាមួយនគរបាលប៉ុស្តិ៍​រដ្ឋបាល ឃុំទំនប់រលក បានធ្វើការបង្ក្រាបមុខសញ្ញា លក់​ចែកចាយ​ថ្នាំញៀន១ករណី ស្ថិតនៅ ក្រុម១៣ ភូមិ៤ ឃុំទំនប់រលក ស្រុកស្ទឹងហាវខេត្ត​ព្រះសីហនុ។

ជនសង្ស័យជាប្តីប្រពន្ធពីរនាក់ ៖

  ១-ឈ្មោះសាន វិត ភេទប្រុស អាយុ ៣៤ ឆ្នាំ មុខរបរ កម្មករនេសាទ ស្នាក់នៅកន្លែងកើតហេតុ និងទី

  ២-ឈ្មោះ មាស ថាវី ភេទស្រី អាយុ៤៨ឆ្នាំ មុខរបរមិនពិតប្រាកដ ស្នាក់នៅកន្លែងកើតហេតុ។

  -ព្រមទាំងចាប់យកបាន​ថ្នាំញៀនមេតំហ្វេតាមីនចំនួន១០កញ្ចប់តូច ទូរស័ព្ទដៃ ពីរគ្រឿង និង សម្ភារៈប្រើប្រាស់ស្បោងសម្រាប់វេចខ្ចប់គ្រឿងញៀន ជាច្រើនទៀត។

លោកអធិការ​បាន​បញ្ជាក់ថា មុខសញ្ញាទាំង២ នគរបាលស្រុកស្ទឹងហាវ កំពុងសាកសួរ ដើម្បីកសាងសំណុំ​រឿង បញ្ជូនមកស្នងការ​ដ្ឋាននគរបាល​ខេត្ត ៕  ឆ្លាម សមុទ្រ