ភ្នំពេញ ៖ លោកឈន ផ្លុំ អាយុ៥៦ឆ្នាំ អតីតជាមន្ត្រីកងយោធពលខេមរភូមិន្ទ មានឋានន្តរស័ក្តិថ្នាក់ឧត្តមសេនីយ៍ទោ មានទីលំនៅក្រុម១២ភូមិ៤ សង្កាត់៤ ក្រុង-ខេត្តព្រះសីហនុ ត្រូវបានកម្លាំងកងរាជអាវុធហត្ថមន្ទីរយុត្តិធម៌នៃទីបញ្ជា ការកងរាជអាវុធខេត្តព្រះសីហនុ បានចុះអនុវត្តដីកាបង្គាប់អោយចាប់ឃុំខ្លួន លេខ១៨៥២ តព/១៧ ចុះថ្ងៃទី៤ ខែកក្កដា ឆ្នាំ២០១៧ របស់ចៅក្រមស៊ើបសួរ ឡូត ផារី ដោយយោងទៅតាមពាក្យបណ្តឹងរបស់ក្រុមហ៊ុនថៃហេងឡុងបានប្តឹងចោទប្រកាន់ ទៅលើ​ឈ្មោះ ឈន ផ្លុំ ភេទប្រុស អាយុ៥៦ឆ្នាំជាមន្ត្រីនៃ កងយុទ្ធពលខេមរភូមិន្ទមានឋានន្តរសក្តិថ្នាក់ឧត្តមសេនីយ៍ទោនិងបក្ខពួកចំនួនប្រមាណជា ១០អ្នកផ្សេងទៀតដែលបានផ្សំគុំនិត ពាក់ពន្ធ័ទៅនិងករណី រំលោភកាន់កាប់​អចលនវត្ថុអ្នក​ដទៃ​ដោយ​ទុច្ចរិត ដែលជនសង្ស័យបានប្រព្រឹត្តលើទីតាំងដីរបស់ក្រុមហ៊ុនថៃហេង​ឡុង ស្ថិត​ក្នុងភូមិគគីរ ឃុំបិតត្រាំង ស្រុកព្រៃនប់ ខេត្តព្រះសីហនុ។

បច្ចុប្បន្នលោក ឈន ផ្លុំ  អាឌិតជាមន្ត្រីយោធាដែលមានឋានន្តរសក្តិជាឧត្តមសេនីយ៍ទោ ជាជនសង្ស័យដែលសម្បូណ៌រឿងអាស្រូវក្នុងរឿងវិវាទរំលោភយកដីធ្លីអ្នកដទៃនាពេលកន្លងមកនោះត្រូវបានកម្លាំងកងរាជអាវុធហត្ថ​មន្ទីរយុត្តធម៏នៃទីបញ្ជាការកងរាជអាវុធហត្ថខេត្តព្រះសីហនុបញ្ជូនទៅឃុំខ្លួននៅពន្ធនាគារខេត្តព្រះសីហនុកាលពីថ្ងៃទី ៤ខែកក្កដា ឆ្នាំ២០១៧ដើម្បីចាត់ការទៅតាមនិតិវិធីច្បាប់។

គួរបញ្ជាក់ឲ្យដឹងផងដែរថា បញ្ហារជម្លោះដីធ្លីនៅខេត្តព្រះសីហនុ នាពេលនេះហាក់បីដូចជាកំពុងតែផ្ទុះឡើងសាជាថ្មី ខណៈដីធ្លីមានហាងឆេងងើបឡើងវិញជាបណ្តើរៗ ៕ ឆ្លាម មុទ្រ