ភ្នំពេញ ÷ បុរសម្នាក់ក្នងចំណោម២នាក់ ដែលគេសង្ស័យនិងបានចោទប្រកាន់ថា

ជាចោរឆក់កាបូបលុយគេត្រូវបានមហាជននាំគ្នាជួយចាប់វាយតប់បញ្ចេញកំហឹង

មុនពេលប្រគល់អោយទៅនគរបាលមូលដ្ឋានចាត់ការតាមច្បាប់។កាលពីម៉ោង

១៩និង៣០នាទីយប់ថ្ងៃទី១៤ខែកក្កដា ឆ្នាំ២០១៧នៅក្នុងភូមិគោក

ឃ្លាង សង្កាត់គោកឃ្លាង ខណ្ឌសែនសុខ។

ជនជាប់ចោទជាចោរខាងលើ ១/ចេវ គឹមលាង អាយុ២០ឆ្នាំ ស្នាក់នៅផ្ទះជួល

នៅភូមិដំណាក់ សង្កាត់គោកឃ្លាង ខណ្ឌសែនសុខ(ឃាត់ខ្លួន)។ ២/ឈ្មោះ វី លីន

 អាយុ១៩ឆ្នាំ  គ្មានមុខរបររត់ (គេចខ្លួន)។

ស្ត្រីឈ្មោះ ឋាន សារ៉ាន់ អាយុ៣៧ឆ្នាំ មានទីលំនៅក្នុងសង្កាត់គោកឃ្លាង ដែលជា

ជនរងគ្រោះក្នុងករណីនេះបាននិយាយថា÷នៅមុនពេលកើតហេតុគាត់បានអោយ

ប្អូនប្រុសរបស់គាត់ជិះម៉ូតូឌុបគាត់ចេញពីរោងចក្រនៅម្តុំក្បែរសាលារចនា មកផ្ទះ

តែខណៈពេលដែលកំពុងធ្វើដំណើរមកដល់ចំណុចកើតហេតុ ជនសង្ស័យបានជិះ

ម៉ូតូមកអែបខាងឆ្វេង បានមកឆក់យកកាបូបលុយគាត់ តែយកមិនបានម៉ូតូជន

បង្ករបានប៉ះជាមួយដៃម៉ូតូគាត់(ជនរងគ្រោះ)បណ្តាលអោយដួលប្រាវទាំងអស់គ្នា

ពេលនោះដែរជនរងគ្រោះស្រែកចោរៗប្រជាជនធ្វើដំណើរតាមផ្លូវនាំគ្នាជួយចាប់

វាយតប់ម្នាក់១ដៃ១ជើងៗទ្រោមខ្លួនទើប ប្រគល់អោយប៉ូលិស ឯបក្ខពួកគេម្នាក់

ទៀតជិះខ្លួនបាត់។

ប៉ូលិសបាន ចាប់វាយខ្នោះដៃជនជាប់ចោទយកមកសួរនាំនិង ណែនាំអោយជន

រងគ្រោះមកដាក់ពាក្យបណ្តឹងផងដែរដើម្បីដាក់បន្ទុកលើជនសង្ស័យមុនពេល

បញ្ជូនទៅតុលាការផ្តន្ទាទោសតាមច្បាប់៕ តុង សីហា