ខេត្តកំពង់ចាម ៖ សមត្ថកិច្ចសូមអំពាវនាវដល់បងប្អូនប្រជាពលរដ្ឋ ឬស្គាល់ម្ចាស់រថយន្ត បន្ទាប់បានប្រទះ ឃើញរថយន្ត១គ្រឿង ម៉ាកកាមរី គូទហើម ពណ៌ស្ករ ពាក់ស្លាកលេខភ្នំពេញ2B-3844 យកមកផ្លុងចោលនៅ មុខផ្ទះរបស់ឈ្មោះ សុខ វណ្ណា ហៅ ដឹប នៅភូមិរកាកោងជើង ឃុំមហាលាភ ស្រុកកោះសូទិន ខេត្តកំពង់ចាម ។

ប្រជាពលរដ្ឋបានប្រាប់ឲ្យដឹងថា នៅវេលាម៉ោង៣ទៀបភ្លឺ ថ្ងៃទី១៧ ខែកក្កដា ឆ្នាំ២០១៧ ប្រជាពលរដ្ឋបានប្រទះ ឃើញរថយន្ត រួចក៏រាយការណ៍ជូនអាជ្ញាធរមានសមត្ថកិច្ចចុះមកយករក្សាទុក និងប្រកាសស្វែងរកម្ចាស់ ឬបងប្អូន ណាបានបាត់រថយន្តដែលមានភិនភាគដូចខាងលើ ។

ករណីនេះ កម្លាំងជំនាញអធិការនគរបាលស្រុកកោះសូទិន សហការជាមួយកម្លាំងប៉ុស្តិ៍នគរបាលរដ្ឋបាលមហា លាភ ដឹកនាំដោយលោកវរសេនីយ៍ឯក ប្រេង ហ៊ីម កំពុងធ្វើការស្រាវជ្រាវ ៕ វណ្ណះ