ភ្នំពេញ ៖ ហេតុការណ៍ភ្ញាក់ផ្អើលមួយបន្ទាប់ពីសន្តិសុខយាមម៉ូតូក្នុងរោងចក្រ ទើបនឹងបានចូលធ្វើការបាន៤ថ្ងៃដោយឃើញឱកាសល្អ បានលួចម៉ូតូកម្មកររោងចក្រ អស់ចំនួន៥គ្រឿង ហើយរត់គេចខ្លួនបាត់ កាលវេលាម៉ោង ៣នឹង៣០​នាទី រសៀល ថ្ងៃទី ១៩ ខែកក្តដា ឆ្នាំ២០១៧  នៅរោងចក្រ LiNG  YEAK(លីង  យៀគ) ភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ។

ជនរងគ្រោះដែលបាត់ម៉ូតូមាន៥នាក់រួមមាន ទី១-ឈ្មោះ លាប ឌីណាភេទប្រុសអាយុ២៤ឆ្នាំ រោងចក្រខាងលើ ស្នាក់នៅម្តុំកាណាឌីយ៉ាភូមិត្រពាំងថ្លឹងសង្កាត់ចោមចៅ ភូមិកំណើតស្រុកសីធរកណ្តាល ខេត្តព្រៃវែងបាត់ម៉ូតូម៉ាកហុងដា សង១២៥ ស៊េរ៊ីឆ្នាំ២០១៥ ពណ៌ខ្មៅ ពាក់ស្លាកភ្នំពេញ 1CX,0455  ។

ទី២-ឈ្មោះ ជៀវ គន្ធា ភេទប្រុស អាយុ២៥ឆ្នាំមុខរបរ ស្នាក់នៅភូមិត្រពាំងថ្លឹង មានស្រុកកំណើតនៅ ភូមិត្រពាំងថ្មឃុំសំរោងស្រុកត្រពាំងកក់ខេត្តកែវ បាត់ម៉ូតូម៉ាកឌ្រីមសងសេរ៊ី២០១៦ពណ៌ខ្មៅពាក់ស្លាកលេខភ្នំពេញ1FL,7628 ។
ទី៣-ឈ្មោះ មឿន សីហាភេទប្រុសអាយុ ២៩ ឆ្នាំស្នាក់នៅភូមិទួលពង្រសង្កាត់ចោមចៅខណ្ឌពោធិ៍សែនជ័យ មានស្រុកកំណើតនៅភូមិជង្រុះឃុំចេកស្រុកព្រះស្តេចខេត្តព្រៃវែង បាត់ម៉ូតូម៉ាកឌ្រីមសងសេរ៊ី២០១៦ ពណ៌ខ្មៅពាក់ស្លាកលេខ ភ្នំពេញ 1GH,0181 ។

ទី៤-ឈ្មោះ មាស  ដា ភេទប្រុស អាយុ២៥ ឆ្នាំមុខរបរធ្វើការរោងចក្រខាងលើ រស់នៅភូមិត្រពាំងល្វា សង្កាត់កាកាប ខណ្ឌពោធិ៍សែនជ័យ បាត់ម៉ូតូម៉ាក ឌ្រីមសងសេរ៊ី២០១៦ ពណ៌ខ្មៅ ពាក់ស្លាកលេខ ភ្នំពេញ 1DO,9110
ទី៥-ឈ្មោះ ឃៀន ណន ភេទប្រុសអាយុ២៨ឆ្នាំ មុខរបរ ស្នាក់នៅភូមិភូមិត្រពាំង ថ្លឹង សង្កាត់ចោមចៅខណ្ឌ ពោធិ៍សែនជ័យមានស្រុកកំណើតនៅស្រុកជើងព្រៃ ខេត្តកំពង់ចាម បាត់ម៉ូតូម៉ាកឌ្រីមសងសេរ៊ី២០១៧  ពណ៌ខ្មៅ ពាក់ស្លាកលេខ ភ្នំពេញ 1GM,2354  ។

ចំណែកជនសង្ស័យឈ្មោះ ឆៃ នី ភេទប្រុស អាយុ២៧ឆ្នាំមុខរបរសន្តិសុខ  ស្នាក់នៅសង្កាត់គីឡូលេខ៦ខណ្ឌឫស្សីកែវ  មានភូមិកំណើតនៅភូមិ គ្រោលគោ ស្រុកស្វាយរៀង ខេត្តស្វាយរៀង ។

បើតាមប្រភពព័ត៌មានពីឈ្មោះសុខ ចាំងភេទប្រុសអាយុ៣៤ឆ្នាំ មុខរបររដ្ឋបាលរោងចក្រ ខាងលើ ស្នាក់នៅសង្កាត់ទួលស្វាយព្រៃ១ខណ្ឌចំការមន រាជធានីភ្នំពេញបានអោយដឹងថា នៅមុនពេលកើតហេតុ គាត់បានដឹងពីនាក់លក់នៅមុខរោងចក្រប្រាប់ថា សន្តិសុខ យាមម៉ូតូ នៅក្នុងរោងចក្រខាងលើ បានយកម៉ូតូចេញទៅក្រៅដោយមានគ្នីគ្នាជាច្រើននាក់ផងដែរហើយបន្ទាប់មក រូបគាត់បានទៅប្រាប់តំណាងរោងចក្រនឹងប្រាប់កម្មករនៅក្នុងរោងចក្រខាងលើ អោយមកមើលម៉ូតូតើបាត់ប៉ុន្មានគ្រឿង  ហើយបន្ទាប់មកដោយជនរងគ្រោះបានលើកដៃចំនួន៥នាក់ហើយក្នុងនោះអស់ម៉ូតូចំនួន៥គ្រឿងផងដែរ។
បើតាមប្រភពព័ត៌មានពីជនរងគ្រោះទាំង៥នាក់ខាងលើ បាននិយាយថាជារៀងរាល់ថ្ងៃពួកគាត់បានចូលធ្វើការនៅក្នុងរោងចក្រខាងលើនៅពេលព្រឹកចូលនៅម៉ោង៧ព្រឹកចេញម៉ោង១១ថ្ងៃត្រង់ហើយចូលនៅពេលថ្ងៃនៅម៉ោង១២  ហើយចេញនៅពេលល្ងេចនៅវេលាម៉ោង៤ ហើយកំពង់តែធ្វើៗស្រាប់តែលឺថាបាត់ម៉ូតូ ហើយបណ្តាលអោយពួកគាត់ភ័យពេញរោងចក្រ ។

ក្រោយពេលកើតហេតុតំណាងរោងចក្រខាងលើបាននាំជនរងគ្រោះមកដាក់ពាក់បណ្តឹង នៅប៉ុសិ៍នគរបាលរដ្ឋបាលចោមចៅដើម្បីអោយសមត្ថកិច្ច តាមចាប់ជនល្មើសខាងលើមផ្តល់ទាទោស តាមច្បាប់ ៕ សុខាសែនជ័យ