ខេត្តសៀមរាប ៖ ប្រជាពលរដ្នក៏ដូចជាអាជីវករក្នុងខេត្ត សៀមរាបបានធ្វើការរឹះគន់ លោក ហ៊ុប ថៃ អ្នកវិនិយោគផ្សារលើធំថ្មី ថាកំពុងតែជិះសេះលែងដៃ ក្នុងការប្រមូលលុយពីអាជីវករទាំងក្នុងផ្សារនិងខាងក្រៅផ្សារ យ៉ាងកាក់កបជាយូរឆ្នាំណាស់មកហើយ ។
តាមប្រភពពត័មានពីអាជីវករបានអោយដឹងថា បរិវេណជុំវិញផ្សារលើជាផ្លូវសំរាប់ចរាចរណ៍ដឹកទំនិញចេញចូលតែត្រូវ មេការមើលការខុសត្រូវ របស់លោក ហ៊ុប ផៃ រៀបចំ អោយអាជីវករលក់ដូរពេញជុំវិញផ្សារ ហើយទុកច្រកចេញចូល តូចចង្អៀត បង្កអោយមានការកកស្ទះស្ទើរតែដើរជៀសគ្នាមិនរួច ជាពិសេសប៉ែកខាងកើតឈៀងខាងត្បូងផ្សារ និង ប៉ែកខាងក្រោយផ្លូវចូលផ្សារ ដែលជាផ្លូវច្រកចេញចូលតែមួយ ត្រូវបានរៀបចំអោយអាជីវករ លក់បន្លែរបង្ការ លើចិញ្ចើមផ្លូវ ពេលដែល កង់ ម៉ូតូ ឡានធ្វើរចរាចរណ៍ បង្កភាពរញ៉េរញ៉ាយ កក់ស្ទះស្ទើរតែចេញចូលមិនរួច ចំណែកខាងមុខផ្សារវិញជាកន្លែងចត់ កង ម៉ូតូ ឡាន ត្រូវបានគេរៀបចំជួលអោយអាជីវករលក់ដូរយ៉ាងរភើយ ហើយយកចំណីថ្នល់ធ្វើជាចំណតសំរាប់ផ្ញើរ រថយន្ដ ម៉ូតូ រម៉ក ដោយយកក្នុង១ក្បាលឡាន ៣០០០រៀល ទៅ៤០០០រៀល ចំណែក រម៉កម៉ូតូ ១០០០រៀលទៅ២០០០រៀល ធ្វើអោយមានការរឺះគន់ថា លោក ហ៊ុប ផៃ ជិះសេះលែងដៃ ក្នុងការប្រមូលផលប្រយោជន៍ផ្ទាល់ខ្លួន មិនគិតពីប្រយោជន៍សមូហភាព ធ្វើអោយប៉ះពាលសតិអារម្មណ៍ប្រជាពលរដ្នទូទៅរងការនិន្ទារឹះគន់ ឯការយកថ្លៃភាស៊ី និងថ្លៃសំរាមវិញគឺយកតាមតែទំនើងចិត្តមិនបានយកតាមសៀវភៅបន្ទុកនោះទេ។
អាជីវករ២នាក់ក្នុងចំនោមអាជីវករជាច្រើនដែលបាន ដាក់កញ្ចែងលក់នៅតាមចិញ្ចើមផ្លូវបានប្រាប់អ្នកសារពត័មានយើងថា បើខ្ញុំមិនលក់តាមចិញ្ចើមផ្លូវតាមមុខផ្ទះគេទេគឺគ្មានកន្លែងលក់ដូរទេ ហើយការលក់នេះត្រូវបង់អោយម្ចាស់តូប ឬម្ចាស់ផ្ទះ ក្នុង១ខែគឹ១០០ ដុល្លា បូកនិង ថ្លៃភាស៊ី៥០០រៀល ថ្លៃ សន្ដិសុខ ៥០០រៀល និងថ្លៃជួលឆ័ត្រ ១០០០រៀលទៀត ក្នុង១ថ្ងៃ បានចំណេញ១៥០០០រៀលទៅ២០០០០រៀល តែប៉ុណ្ណោះ ហើយការចំណេញនេះត្រូវចំណាយទៅវិញគ្មានសល់នោះទេគ្មានសល់ទេក្នុង១ខែៗ ។
លោក ហ៊ុប ថៃ អ្នកវិនិយោគផ្សារលើធំថ្មី ខេត្តសៀមរាប បានអោយដឹងថា លោកពិបាកនិងរាយការណ៍ណាស់ ចំពោះ ការយកថ្លៃភាស៊ី និងថ្លៃសំរាម ដោយសារគេគិតតាមទំហំ ការ៉េ តូចឬធំ ឯការយកចំណីផ្លូវ ធ្វើចំណតរថយន្ដនោះគឺលោកមិនបានអោយយក លុយទេ គឺប្រជាពលរដ្នមកផ្សាហើយ ចត់រថយន្ដខ្លួនឯង ឯការកក់ស្ទះ គឺមកពីអាជីវករមកលក់ដូរលើសតំរូវការនិងផ្សារ តែការបកស្រាយនេះត្រូវបានពលរដ្នថាជាការដោះសារ យករួចខ្លួន ល្មមដល់ពេល អាជ្ញាធរខេត្តត្រួតពិនិត្យមើលភាពមិនប្រក្រតីជុំវិញការរឹះគន់នេះផង៕ប៊ុន រិទ្ធី
