ខេត្តពោធិ៍សាត់ ៖ កម្លាំងសមត្តកិច្ចជំនាញនៃអធិការដ្ឋាននគរបាលស្រុកកណ្ដៀង សហការគ្នាចុះបង្រ្កាបជនសង្ស័យ ២នាក់ រួមទាំងវត្ថុតាង និងសម្ភារ ខណៈពួកគេនាំគ្នាធ្វើសកម្មភាពជាក់ស្ដែង។
ប្រតិបត្តិការខាងលើធ្វើឡើងកាលពីវេលាម៉ោង៥ និង៣០នាទីល្ងាច ថ្ងៃទី២៥ ខែកក្កដា ឆ្នាំ២០១៧ ស្ថិតក្នុងភូមិបង្គោល ឃុំ-ស្រុកកណ្ដៀង ខេត្តពោធិ៍សាត់។
ប្រភពព័ត៌មានពីមន្រ្តីជំនាញដែលបានចុះប្រតិបត្តិការខាងលើបានឲ្យដឹងថា ជនសង្ស័យទាំង ២នាក់ រួមទាំងវត្ថុតាង និងសម្ភារទី១ ឈ្មោះ សោម ភក្តី ភេទប្រុស អាយុ ៣៥ឆ្នាំ ជនជាតិខ្មែរ បច្ចុប្បន្ន មានទីលំភូមិពោធិ៍កំបោ ឃុំវាល ស្រុកកណ្ដៀង និងទី២ ឈ្មោះ សុិន សុខណាន ភេទប្រុស អាយុ ២៤ឆ្នាំ ជនជាតិខ្មែរ បច្ចុប្បន្ន មានទីលំភូមិបង្គោល ឃុំ-ស្រុកកណ្ដៀង ខេត្តពោធិ៍សាត់។
ប្រភពព័ត៌មានបន្តថាក្នុងកិច្ចប្រតិបត្តិការខាងលើ កម្លាំងបានធ្វើការដកហូតនូវវត្ថុតាងរួមមាន.ម្សៅក្រាមពណ៏សថ្លាសង្ស័យជាសារធាតុញៀនដែលមិនបញ្ជាក់អំពីចំនួន.ដបជ័រ.ទុយ្យោ.ដែកកេះ និងទូរស័ព្ទដៃចំនួន ២គ្រឿងផងដែរ។
ប្រភពព័ត៌មានដដែលខាងលើបន្តទៀតថា ចំពោះជនសង្ស័យចំនួន ២នាក់ រួមទាំងវត្ថុតាង និងសម្ភារ បានបន្តនីតិវិធីនៅអធិការដ្ឋាននគរបាលស្រុកកណ្តៀង ដើម្បីសំណុំឯកសារពាក់ព័ន្ធបញ្ជូនបន្តទៅការិយាល័យជំនាញ នៃស្នងការដ្ឋាននគរបាលនគរបាលខេត្តពោធិ៍សាត់ ចាត់ការតាមបន្តនីតិវិធី៕ បឹុម ពិន
