ភ្នំពេញ៖ ហេតុការណ៍ភ្ញាក់ផ្អេីលមួយបានកើតឡេីង បន្ទាប់ពីមានបុរស ជនជាតិវៀតណាមម្នាក់ បានលោតពីលើសណ្ឋាគារ ប៉ាស៊ីហ្វិច ធ្វេីអត្តឃាតដោយខ្លួនឯង  បណ្ដាលឲ្យបែកក្បាលហូរឈាម រងរបួសធ្ងន់ធ្ងរ រហូតដល់សន្លប់ស្ដូកស្ដឹងនៅនឹងកន្លែងកេីតហេតុហេីយ ត្រូវបានសមត្ថកិច្ចមូលដ្ឋានដឹកយកទៅសង្រ្គោះនៅមន្ទីរពេទ្យកាលម៉ែតភ្លាមៗផងដែរ ។

ករណីខាងលេីនេះ បានកើតឡើងនៅវេលា ម៉ោង៨ព្រឹក ថ្ងៃទី៧ ខែតុលា ឆ្នាំ២០១៥ ស្ថិតនៅចំណុចសណ្ឋាគារ ប៉ាស៊ីហ្វិច ផ្លូវលេខ១៥៤ កែងផ្លូវព្រះមុនីវង្ស សង្កាត់ផ្សារថ្មីទី២ ខណ្ឌដូនពេញ ។ ជនរងគ្រោះត្រូវបានស្គាល់ឈ្មោះ ឡុង តុង ភេទប្រុស អាយុ២៥ឆ្នាំ ។

តាមប្រភពព័ត៌មានពីសាក្សីនៅកន្លែងកេីតហេតុ បានឲ្យដឹងថា នៅមុនពេលកេីតហេតុ គឺបុរសជនជាតិវៀតណាមនេះ បានមកជួល បន្ទប់លេខ២០៥ ជាន់ទី២ នៃសណ្ឋាគារ ប៉ាស៊ីហ្វិច ស្នាក់នៅដោយមានមិត្តភក្តិពីរនាក់ទៀត ក្នុងនោះមានស្រីម្នាក់ប្រុសម្នាក់ ដោយដេក បាន៥យប់មកហេីយ ។លុះដល់ថ្ងៃកេីតហេតុខាងលេី មិនដឹងមានរឿងអ្វីនោះទេ ស្រាប់តែចេញពីបន្ទប់របស់ខ្លួនរួចលោតតែម្តង បង្កឲ្យភ្ញាក់ផ្អេីលទាំងព្រឹក ។

ក្រោយកេីតហេតុសមត្ថកិច្ច បានចុះទៅដល់កន្លែងកេីតហេតុភ្លាមៗហេីយមិនទាន់ដឹងថា ករណីបុរសជនជាតិវៀតណាមលោតសម្លាប់ខ្លួននេះជាករណីអ្វីនោះទេ ហេីយសមត្ថកិច្ច បាននាំមិត្តជនរងគ្រោះទាំងពីរនាក់ ទៅសួរនាំនៅអធិការដ្ឋាននគរបាលខណ្ឌ ដើម្បីរកមូលហេតុផងដែរ ៕

ដោយ៖ ស ដារ៉ា