ភ្នំពេញ ៖ បុរសវ័យចំណាស់ម្នាក់បានបើករថយន្តកាម រីបាឡែនចេញពីខាងមុខហាងសំអាងការដើម្បីយកទៅទុក្ខកន្លែងផ្សេងស្រាប់ជាន់ហ្រាំងតែបែជាច្រលំជាន់ហ្គែរចយក្រោយក៏ជ្រុលបុកទ្វាហាងសំអាងការចូលដល់ខាងក្នុងរងការខូចខាតយ៉ាងដំណំ។
ហេតុការណ៍នេះបានកើតឡើងកាលពីវេលាម៉ោង៩យប់ថ្ងៃទី៣១ខែកក្កដាឆ្នាំ២០១៧នៅចំណុចហាង ស្រីលាភ សាឡន ផ្ទះលេខ២៣AB តាមបណ្តោយផ្លូវ១៣៤ ស្ថិតក្នុងសង្កាត់ផ្សាដេប៉ូ២ ខណ្ឌទួលគោក។
តាមសាក្សីនៅកន្លែងកើតហេតុបានអោយដឹងថា នៅមុនពេលកើតហេតុគេបានឃើញបុរសវ័យចំណាស់ម្នាក់បានចតរថយន្តម៉ាកបាឡែនពណ៍ស ពាក់ស្លាកលេខភ្នំពេញ 2AP 2570 នៅចំណុចមុខហាង ស្រីលាភ សាឡន ក្រោយមកស្រាប់តែបុរសនោះមកបើករថយន្តចេញពីកន្លែងខាងលើដើម្បីយកទៅទុក្ខកន្លែងផ្សេង។ ហើយក៏បានច្រលំជាន់ហ្គែរថយក្រោយបណ្តាលអោយជ្រុលបុកទ្វាហាងនោះចូលដល់ក្នុងផ្ទះបាក់អស់ទ្វានិងរងការខូចខាតសំភារះមួយចំនួនតែសំណាងល្អមិនមានអ្នករងរបួសនោះទេ។
ក្រោយពេលកើតហេតុម្ចាស់រថយន្តនិងម្ចាស់ផ្ទះក៏បានធ្វើការសម្រួលគ្នាដោយភាគីខាងរថយន្តចេញថ្លៃជួសជុលដើម្បីបញ្ចប់រឿងនៅកន្លែងកើតហេតុដោយមិនរំខាងដល់សមត្ថកិច្ច ៕ សុខាសែនជ័យ
