ភ្នំពេញ៖ ករណីគ្រោះថ្នាក់ចរាចរណ៏មួយបានកើតឡើងរវាង រឺុម៉កដឹកទឹកកកនិងម៉ូតូ ខណៈដែលបុរសម្នាក់បានជិះម៉ូតូ១គ្រឿងទៅបុកកន្ទុយរឺុម៉កដឹកទឹកកកពីក្រោយបណ្តាលឲ្យដួលម៉ូតូរងរបួសក្បាលរបើកស្បែកថ្ងាសខាងមុខរបួសធ្ងន់ ។

កាលវេលាម៉ោង ៥និង៣០នាទី ថ្ងៃទី០៧ ខែតុលា ឆ្នាំ២០១៥ នៅចំណុចមុខផ្ទះលេខ៧៧៦ ផ្លូវលេខ១២៨ ភូមិ២សង្កាត់ទឹកល្អក់ទី១ ខណ្ឌទួលគោក ។

តាមប្រភពព័ត៌មានពីសមត្ថកិច្ចមូលដ្ឋាន បានឲ្យដឹងថា នៅមុនពេលកេីតហេតុ គេឃេីញបុរសម្នាក់បានជិះម៉ូតូតាមបណ្តោយផ្លូវកម្ពុជាក្រោមក្នុងទិសដៅពីលិចទៅកេីតលុះបេីកមកដល់ចំណុចកេីតហេតុខាងលេីបានជ្រុលទៅបុកកន្ទុយរឺុម៉កដឹកទឹកកកពីក្រោយបណ្តាលឱ្យដួលម៉ូតូរងរបួសក្បាលរបើកស្បែកថ្ងាសខាងមុខធ្ងន់ធ្ងរតែម្តង ។

បច្ចុប្បន្នជនរងគ្រោះបានបញ្ជូនទៅ សង្គ្រោះបន្ទាន់នៅគ្លីនីចអង្គរធំ រីឯរឺុម៉កដឹក ទឹកកកនិងម៉ូតូបានរក្សានៅកន្លែងកើតហេតុរងចាំជំនាញមកធ្វើការវាស់វែងដើម្បីចាត់ការតាមច្បាប់ ៕

ដោយ៖ ស ដារ៉ា