ភ្នំពេញ ៖ ជនសង្ស័យម្នាក់ធ្វើសកម្មភាពកាច់សោរ ក ម៉ូតូមិនបានសម្រេចត្រូវម្ចាស់ម៉ូតូនិងប្រជាពលរដ្ឋឃើញទាន់ស្រែកឆោឡោនិងដេញតាមចាប់បាននាំគ្នាវាយបែកក្បាលហូឈាមស្រោចខ្លួនទើបប្រគល់សមត្ថកិច្ច ។ ហេតុការណ៍បង្កការភ្ញាក់ផ្អើលបានកើតឡើងកាលពីវេលាម៉ោង៩និង៣០នាទីយប់ថ្ងៃទី៣១ ខែកក្ដដាឆ្នាំ២០១៧ នៅត្រង់ចំណុចមុខផ្ទះអត់លេខ ផ្លូវបេតុង៣២ BT ក្រុម៨ ភូមិក្បាលទំនប់២ សង្កាត់បឹងទំពុន ខណ្ឌមានជ័យ ។
ជនសង្ស័យមានឈ្មោះ សុខ ស៊ីថា អាយុ៣២ឆ្នាំ មុខរបរ រត់តាក់ស៊ីម៉ែត្រ ស្នាក់នៅ ក្នុងឡាន ដកហូត ឧបករណ៍សំរាប់កាច់ករម៉ូតូចំនួន១ សោរលេខ១០ចំនួន១ ចំណែកជនរងគ្រោះជាម្ចាស់ម៉ូតូមានឈ្មោះ កាប ផល្លា ភេទប្រុស ៣០ឆ្នាំ មុខរបរ លក់សាច់ប៉ាតេ ស្នាក់នៅកន្លែងកើតហេតុខាងលើ ។
យោងតាមសម្ដីសាក្សីដែលឃើញហេតុការ បានប្រាប់ឲ្យ មុនពេលកើតហេតុគេឃើញជនសង្ស័យដើរទៅដើរមកចំនួន២ទៅ៣ដង ដោយមានការសង្ស័យក៏ចាំតាមមើល លុះដល់ ម៉ោងកើតហេតុក៏ប្រទះឃើញជនសង្ស័យកុំពុងធ្វើសកម្មភាពយកដែកកាច់សោរ ម៉ូតូ ក៏ស្រែកឆោឡោពេលនោះជនសង្ស័យបានរត់បំណងគេចខ្លួនតែត្រូវប្រជាពលរដ្ឋដែលនៅក្បែរកន្លែងកើតហេតុនាំគ្នាជួយដេញតាមចាប់បានរួចស្វាគមន៍មួយដៃមួយជើងឡើងទ្រោមខ្លួនបែកក្បាលហូឈាមជោគខ្លួន ភ្លាមៗសមត្ថកិច្ចក៏បានទៅហើយយកជនសង្ស័យទៅអោយពេទ្យលាងរបួសនិងដេរ ។ រីឯ ម៉ូតូជនរងគ្រោះ ដែលជនសង្ស័យកាច់ក៏នោះម៉ាក ឌ្រីមសង់សេរីចាស់ ពណ៌ខ្មៅ អត់មានស្លាកលេខ ។
ប្រភពដដែលបានបន្តថា៖ នៅក្នុងមូលដ្ឋានដែលពួកគាត់រស់នៅគឺតែងតែមានសកម្មភាពគាល់ផ្ទះនិងកាច់សោរម៉ូតូជាញឹកញាប់មិនដែលឃើញសមត្ថកិច្ចចាប់បាននោះទេ។
ក្រោយពេលកើតហេតុជនរងគ្រោះបានទៅដាក់ពាក្យបណ្ដឹងនៅប៉ុស្តិ បឹងទំពុនដើម្បីអោយសមត្ថកិច្ចចាត់តាមផ្លូវច្បាប់ ចំណែកជនសង្ស័យសមត្ថកិច្ចធ្វើការសាកសួរនិងកសាងសុំណុំរឿងដើម្បីបញ្ជួនទៅកាន់អធិការដ្ឋាន នគបាលខណ្ឌ មានជ័យ ចាក់ការបន្តតាមផ្លូវច្បាប់ ៕ ដោយ៖ ភារ៉ា ដង្កោ
...
