ភ្នំពេញៈ រថយន្តដឹកអុិចស្កាវ៉ាទ័មួយគ្រឿង បត់ជ្រុល បណ្តាលអោយបុកខ្លោងទ្វាសាលាបឋមសិក្សា ហ៊ុន នាង បឹងត្របែកខាងត្បូង រងការខូចខាតខ្លោងទ្វាសាលាបណ្ដាលអោយប្រេះ តែសំណាងល្អមិនមានអ្នករងរបួស។ ហេតុការណ៍នេះបានកើតឡើងកាលពីវេលាម៉ោង៩ព្រឹកថ្ងៃទី០២ ខែសីហា ឆ្នាំ២០១៧ នៅខាងមុខរបងសាលា បឋមសិក្សា ហ៊ុន នាង បឹងត្របែកខាងត្បូងតាមបណ្តោយផ្លូវលេខ២៧១ ស្ថិតក្នុងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ ។
ប្រភពព័ត៌មានបានអោយដឹងថា នៅមុនពេលកើតហេតុគេបានឃើញរថយន្តហ៉ីយ៉ានដាយមួយគ្រឿង ពណ៌បៃតង លាយក្រហម ពាក់ស្លាកលេខ ស្វាយរៀង 3A-0288 ដឹកគ្រឿងអុិចស្កាវ៉ាទ័លើរថយន្ត តាមបណ្តោយផ្លូវលេខ២៧១ លុះមកដល់កន្លែងកើតហេតុរថយន្តបង្ក ក៏បានបត់ហើយដោយសាររថយន្តវែងពេកក៏ជ្រុលទៅបុករបងសាលារងកាខូចខាត់តែម្ដង។ នៅកន្លែងកើតហេតុ ភ្ងាក់ងារសារព័ត៌មាន យើងសង្កេតឃើញថារថយន្តដឹកគ្រឿងចក្របើកទាំងព្រហើនដោយបើកទាំងរថយន្តអត់កងផ្នែកខាងមុនចំនួនមួយផងដែទើបបង្កគ្រោះថ្នាក់ជាក់ស្តែងតែម្ដង ។
ក្រោយពេលកើតហេតុកម្លាំងជំនាញចរាចរណ៍ខណ្ឌចំការមន សហការណ៍ជាមួយកម្លាំងជំនាញ ចរាចរណ៍ជើងគោកធ្វើកាវាស់វែងនិងយករថយន្តបង្កទៅរក្សាទុកនៅចរាចរណ៍ក្រុងដើម្បីរងចាំដោះស្រាយនៅពេលក្រោយ៕
