ខេត្តកណ្ដាល : រថយន្តម៉ាកAU.DY ទំនើបមួយគ្រឿងត្រូវបានរថយន្ត ម៉ាកG.M.C របស់កងយោធពលខេមរភូមិន្ទ បុក ពីក្រោយបណ្តាលអោយខូចខាតយ៉ាងដំណំ ខណៈឈប់ ស្របពេលអាកាសធាតុផ្ទៃមេឃងងឹតមានភ្លៀងធ្លាក់ខ្លាំង ចរាចរត្រូវបានកកស្ទះ ។

ហេតុការណ៍ខាងលើនេះបានកើតហេតុវេលាម៉ោង៣ និង៣៥ នាទី ថ្ងៃទី២៤ ខែសីហា ឆ្នាំ២០១៧ លើកំណាត់ផ្លូវជាតិលេខ៥ត្រង់ចំណុចគីឡូម៉ែត្រលេខ37-38 ឋិតក្នុងភូមិ ចេតីយ៍ទ្រេត ឃុំ វិហារហ្លួង ស្រុកពញាឮ ខេត្តកណ្តាល ។

មុនហេតុការណ៍នេះកើតឡើង អាកាសធាតុមានភ្លៀងធ្លាក់ យ៉ាងខ្លាំង មានរថយន្តមួយគ្រឿងម៉ាកAU.DY ពណ៌សពាក់ ស្លាកលេខភ្នំពេញ2AH3369 បើកបរក្នុងទិសដៅពីលិច ទៅកើត(បាត់ដំបង ភ្នំពេញ) បើកបរដោយឈ្មោះជា សុខចាន់ ភេទ ប្រុស អាយុ33ឆ្នាំ ទីលំនៅផ្ទះលេខ82 ផ្លូវទន្លេសាប សង្កាត់ ជ្រោយចង្វារ ខណ្ឌ័ ជ្រោយចង្វារ ក្រុងភ្នំពេញ ខណៈបើកបរមកដល់កន្លែងកើតហេតុអាកាសធាតុផ្ទៃមេឃងងឹតមានភ្លៀងធ្លាក់ខ្លាំងលំហូរចរាចរខាងមុខមានការកកស្ទះម្ចាស់រថយន្តក៏ជាន់ហ្វ្រាំងឈប់ស្របពេលនោះក៏មានរថយន្តម៉ាកGMC ពណ៌ ត្រីយ៍អី ពាក់ស្លាក លេខ ខេមរភូមិន្ទ2.3 7054 បើកបរដោយឈ្មោះអុឹម សិរី ភេទ ប្រុស អាយុ33ឆ្នាំ មុខរបរកងយោធពលខេមរភូមិន្ទ អង្គភាព កងពលលេខ ង70 បានបុករុញពីក្រោយបណ្ដាលអោយខូចខាត ផ្នែកខាងក្រោយយ៉ាងដំណំ ។

បច្ចុប្បន្នមធ្យោបាយធ្វើដំណើរ ត្រូវយកមករក្សាទុកបណ្តោះ អាសន្ន នៅអធិការដ្ឋានស្រុកពញាឮដើម្បីបន្តនិតិវិធី ៕ ស្អាងជ័យ