ខេត្តស្វាយរៀង : យុវជន២នាក់បានរងរបួសធ្ងន់ធ្ងរបែកក្បាលបាក់ជើងខណះដែលជួបករណីគ្រោះថ្នាក់ចរាចរណ៏ដោយជិះម៉ូតូមិនគោរពសិទ្ធអទិភាពឆ្លងកាត់ផ្លូវបំបែកជា៤ទៅបុកនិងរថយន្តហុីយ៉ាន់ដាយ ពីត្បូងទៅជើងយ៉ាងពេញទំហឹងរួចអូសផ្ទប់ទៅនិងដើមឈើរលាន់សូរដូចរន្ទះកាលពីវេលាម៉ោង៥និង៥០នាទីល្ងាចថ្ងៃទី២៤ខែសីហាឆ្នាំ២០១៧ លើផ្លូវបំបែកលេខ ៣១៤ ស្ថិតនៅភូមិ ស្រះ វង់ សង្កាត់ ស្វាយរៀង ក្រុង ស្វាយរៀង។
យោងតាមសមត្ថកិច្ចនគរបាលខេត្តស្វាយរៀងបានអោយដឹងថា
យុវជនដែលជិះម៉ូតូដែលរងរបួសធ្ងន់មាន ឆន វាសនា អាយុ ១៩ ឆ្នាំ មុខរបរ សិស្ស រស់នៅភូមិ ស្រម៉ ឃុំ បុសមន ស្រុក រំដួល ខេត្ត ស្វាយរៀងនិងអ្នករួមដំណើរឈ្មោះ ទឹម សោភ័ណ្ឌ អាយុ ១៨ ឆ្នាំ មុខរបរ សិស្ស រស់នៅភូមិ បុសផ្លាំង ឃុំ បុសមន ស្រុក រំដួល ខេត្ត ស្វាយរៀងខណះបើកបរម៉ូតូម៉ាក្ស ស្កូបពី ពណ៏ ស ពាក់ស្លាកលេខ ស្វាយរៀង ១G ៣៣៤៩ ខូចខាតទាំងស្រុង។
ចំណែកអ្នកបើកបររថយន្តមានឈ្មោះ វ៉ាន់ សាវ៉ាត់ ភេទ ប្រុស អាយុ ២៨ ឆ្នាំ មុខរបរ លក់ដូរ រស់នៅ ភូមិ ឃ្លាំង ឃុំ ពោធិរាជ ស្រុក ស្វាយជ្រំ ខេត្ត ស្វាយរៀងនិងអ្នករួមដំណើរឈ្មោះ ម៉ៅ ឌី ភេទ ប្រុស អាយុ២៨ឆ្នាំ មុខរបរ លក់ដូរ រស់នៅភូមិឃុំជាមួយគ្នា ។
បើតាមសាក្សីបានអោយដឹងថាមុនកើតហេតុគឺមានភ្លៀងធ្លាក់យ៉ាងខ្លាំងខណះនោះមានម៉ូតូមួយគ្រឿងម៉ាកស្កូបពី ពណ៏ ស ពាក់ស្លាកលេខ ស្វាយរៀង ១G ៣៣៤៩ជិះគ្នា២នាក់ដោយធ្វើដំណើរពីលិចទៅកើតមិនគោរពសិទ្ធិអាទិភាពហើយមកដល់ផ្លូវបំបែកជា៤ស្រាប់តែមាន រថយន្ដម៉ាក្ស ហុីយ៉ាន់ដាយ ពណ៏ ខៀវ ស ពាក់ស្លាកលេខ ភព ២.ធ.០៤៩១ បើកបរដោយបុរសម្នាក់និងមានអ្នករួមដំណើរម្នាក់ដែលធ្វើដំណើរក្នុងទិសដៅពីត្បូងទៅជើង ក៏បុកគ្នាពេញទំហឹងលាន់សូរដូចរន្ទះហើយក៏អូសផ្ទប់ទៅនិងដើមស្ងាវមុខស្នងការដ្ឋាននគរបាលខេត្តស្វាយរៀងតែម្ដង។
ក្រោយមកប្រជាពលរដ្ឋនិងអ្នកធ្វើដំណើរបានរាយការណ៏មកសមត្ថកិច្ចមូលដ្ឋានអន្តរាគមន៏ដឹកយុវជនដែលរងរបួសទាំង២នាក់មកកាន់មន្ទីពេទ្យបង្អែកខេត្តព្រមទាំងធ្វើការវាស់វែងនិងអូសម៉ូតូនិងរថយន្តព្រមទាំងអ្នកបើកបរមកកាន់ការិយាល័យនគរបាលចរាចរណ៍ខេត្តស្វាយរៀងចាត់ការបន្តតាមច្បាប់ ៕
