ខេត្តសៀមរាប ៖ ប្រឡាយមេរំដោះទឹកមួយកន្លែងកំពុងរងការចាក់ដីលុបពីសំណាក់ឈ្មួញដីដ៏ល្បីឈ្មោះម្នាក់ជាថៅកែស្រះត្រី បានកំពុងតែចាក់ដីលុបប្រឡាយទឹកធ្វើផ្លូវចូលទៅស្រះត្រីដែលជាកម្មសិទ្ធិរបស់ខ្លួន នៅក្បែររមណីដ្ឋានភ្នំក្រោមក្នុង ភូមិចុងស្រុក ឃុំសៀមរាប ខេត្តសៀមរាប ។ នេះជាការអភិវឌ្ឍន៍ ដើម្បីប្រយោជន៍ផ្ទាល់ខ្លួន ធ្វើឲ្យប៉ះពាលដល់ប្រយោជន៍ សាធារណះ តែខាងមន្រ្ដីជំនាញ រ៉ែ ថាមពល គ្មានការអើរពើ ហាមឃាត់នោះទេ ធ្វើឲ្យមហាជនមានការ រិះគន់ថាទំនងជាមន្រ្ដីទាំងនោះត្រូវថ្នាំសណ្ដំរហូតជាប់ត្រកៀក ងាកខ្លួនមិនរួច ទើបបណ្ដែរបណ្ដោយឲ្យឈ្មួញ ចាក់ដីរំលោភយកដីប្រឡាយមេដ៏សំខាន់មួយនេះតាមតែអំពើចិត្ត ។
តាមប្រភពព៌ត៌មានពីប្រជាពលរដ្នបានឲ្យដឹងថា ឈ្មួញដីដុះស្លែ នេះឈ្មោះ សិទ្ធិ ជាថៅកែស្រះត្រី មានដីនៅ តំបន់ក្បែររមណីដ្ឋាន ភ្នំក្រោម ។ រាងរាល់ថ្ងៃ គឺជីកដីលក់បង្តើតស្រះត្រីធំៗ ជួលឲ្យជនជាតិវៀតណាម ចិញ្ចឹមត្រីឆ្ដោរ ស៊ីនុយ ត្រីទន្លេសាប ត្រូវបានពលរដ្ន ដាក់រហ័សនាមថា ជាមេឈ្មួញឈ្លើងសង្គម បំផ្លាញទាំងត្រី រំលោភទាំងដីសាធារណះ។
ចំពោះការចាក់ដីលុបប្រឡាយមេធ្វើផ្លូវចូលទៅស្រះត្រីនេះ អ្នកយកព័ត៌មានបាន សម្ភាសជាមួយលោក សិទ្ធិ ម្ចាស់ដី ដែលជាថៅកែស្រះត្រី គាត់បានបកស្រាយថា ការចាក់ដីនេះមានលូរដាក់រួចហើយ ៗ នៅក្បែរៗនិងក៏មានគេចាក់ដីដូចគ្នា ហេតុអីមិនទៅហាមឃាត់គេផង?
ប្រជាពលរដ្នបានបញ្ចាក់ថា ប្រព័ន្ធប្រឡាយទឹកមេ មានមាត់ទំហំ ជិត២០ម៉ែត្រ តែលោកសិទ្ធិ យកលូ មុខកាត់មិនដល់១ម៉ែត្រផងទៅដាក់ សួរថាបើសំរាមស្ទះបន្ដិច ទឹកអាចហូរបានឬទេ? ចំពោះកន្លែងផ្សេងគេមិនចាក់ដីលុបដូចលោក សិទ្ធិទេ គឺគេទុកផ្លូវទឹកជា១០ម៉ែត្រឯណោះ ។
លោក ជូ រ៉ាម៉ី ប្រធាន មន្ទីរ រ៉ែ ថាមពល ខេត្តសៀមរាបនគរដ្រេហ្គនមិនអាច សុំការបំភ្លឺបានទេជុំវិញការចាក់ដីនេះគឺពេលទំនាក់ទំនងតាម ទូស័ព្ទគឺជាប់រវល់រហូត មិនដឹង ជាដាក់ប្រព័ន្ធឬយ៉ាងណា?
ពាក់ព័ន្ធនិង បញ្ហានេះដែរ លោក ស៊ូប្លាតុង អភិបាលក្រុងសៀមរាប បានបញ្ចាក់តាម ប្រព័ន្ធ តេលេក្រាម ថាលោក និង ឲ្យ មន្រ្ដីជំនាញ របស់លោក ចុះ ទៅមើល នៅថ្ងៃស្អែក ។ ទទឹងនិងនេះ ប្រជាពលរដ្នរងចាំមើល ចំណាត់ការ របស់លោក មានប្រសិទ្ធិ ភាពដែរឬទេ ? ចំពោះ ឈ្មួញដុះស្លែរ ខាងជីកដីលក់ និង ចូលចិត្ត រំលោភយកដី ប្រឡាយធ្វើជាកម្មសិទ្ធិដោយមិនញញើតច្បាប់ទាំងនេះ។
ជុំវិញបញ្ហាចាក់ដីលុបប្រឡាយមេនេះ ប្រជាពលរដ្នបានសំណូមពរសុំឲ្យ លោក ស៊ូផ្លាតុង អភិបាលក្រុងសៀមរាប លោកចុះពិនិត្យ ឲ្យបានត្រឹមត្រូវ និងសុំ ឲ្យ លោក អភិបាលខេត្ត រឹតបណ្ដឹង ច្បាប់ រ៉ែ និងថាមពល ផង ព្រោះកន្លងមក មានភាពធូររលុង ក្នុងការបើកដៃឲ្យឈ្មួញអាងខ្នងឈ្មួញជីកដីលក់ មានជំរៅរហូតដល់ក្បាលប្រែត ៕ ប៊ុន រិទ្ធី
