ភ្នំពេញ៖ បុរសជាប់សង្ស័យករណីលួចម៉ូតូត្រូវបានកម្លាំងនគរបាលប៉ុសិ៍្តរដ្ឋបាលបឹងទំពុនឃាត់ខ្លួនកាលពីវេលា២និង៣០នាទីរសៀល ថ្ងៃទី១៥ ខែតុលា ឆ្នាំ២០១៥ នៅចំណុចផ្ទះលេខ៥ ១៦ ផ្លូវ៣៧១ ភូមិត្នោតជ្រុំ៣ សង្កាត់បឹងទំពុនខណ្ឌមានជ័យ ។
ប្រភពពីសមត្ថកិច្ចបានឲ្យដឹងថាជនសង្ស័យមានឈ្មោះ ហ៊ិន នី ភេទប្រុស អាយុ៣០ឆ្នាំ មុខរបរមិនពិតប្រាកដ ស្នាក់នៅផ្ទះជួល ផ្លូវលំ ភូមិត្នោតជ្រុំ សង្កាត់បឹងទំពុន ខណ្ឌមានជ័យ។ ចំ ណែកជនរងគ្រោះមា្ចស់ម៉ូតូមានឈ្មោះ សែ ណាឡែន ភេទប្រុស អាយុ២២ឆ្នាំ ជានិស្សិត ស្នាក់នៅផ្ទះកើតហេតុខាងលើ។ ក្នុងនោះសមត្ថកិច្ចបានដកហូតវត្ថុតាងរួមមាន៖ ម៉ូតូ១គ្រឿងម៉ាក គ្លីក ពណ៌ស ពាក់ស្លាកលេខ ភ្នំពេញ1FH-5517 ។
ប្រភពដដែលបន្តថា មុនពេលកើតហេតុគឺជនរងគ្រោះម្ចាស់ម៉ូតូបានចតម៉ូតូរបស់ខ្លួននៅ ក្នុងផ្ទះមិនបានចាក់សោរ ខណៈនោះជនសង្ស័យឃើញដូច្នោះក៏ចូលលួចម៉ូតូនៅក្នុងផ្ទះតែម្តង។ ក៏ប៉ុន្តែជនរងគ្រោះម្ចាស់ម៉ូតូឃើញទាន់ក៏ចាប់ឃាត់ខ្លួនបាន ហើយបានប្រគល់ឲ្យសមត្ថកិច្ចនគរ បាលប៉ុសិ៍្តរដ្ឋបាលបឹងទំពុនចាត់ការតាមច្បាប់ ។
បច្ចុប្បន្នជនសង្ស័យត្រូវបានកសាងសំណុំរឿងបញ្ជូនទៅកាន់អធិការដ្ឋាននគរបាលខណ្ឌ មានជ័យ ដើម្បីចាត់ការបន្តទៅតាមនីតិវិធីច្បាប់ ៕
ដោយ៖ តាឡឹម
